- 8.50 કરોડ રૂપિયાની આવક મનપાને થઈ
- હરાજીમાં ભાગ લેવા માટે એક લાખ રૂપિયાની ડિપોઝીટ રાખવામાં આવી
- રાજકોટનાં મવડી વિસ્તારની દુકાનોની હરાજી કરવામાં આવી
- અરજદારોએ બેન્ક ડીમાન્ડ ડ્રાફ્ટથી ડિપોઝીટ ભરી ભાગ લીધો
- ડીપોઝીટની રકમ હરાજી પૂર્ણ થતાં સ્થળ ઉપર જ પરત આપવામાં આવી
રાજકોટઃ રાજકોટ મહાનગરપાલિકા દ્વારા મવડી વિસ્તારમાં બનાવવામાં આવેલા સ્માર્ટઘર-2 અને સ્માર્ટઘર-3ની કુલ 38 દુકાનોની તારીખ 17-03-2021ના રોજ જાહેર હરાજી કરવામાં આવી હતી. જેમાં તમામ 38 દુકાનોની હરાજી દરમિયાન વેંચાણ થયું છે. આ દુકાનોની હરાજીથી મહાનગરપાલિકાને કુલ 8.50 કરોડ રૂપિયાની આવક થઇ છે. આ દુકાનો 11.89 ચોરસ મીટરથી 21.21 ચોરસ મીટરની સાઈઝની દુકાનો છે. દુકાનોની અપસેટ કીંમત 9.80 લાખથી 20.20 લાખ રૂપિયા સુધીની રાખવામાં આવી હતી તેમ મ્યુનિસિપલ કમિશ્નર ઉદિત અગ્રવાલે જણાવ્યું હતું.
આ પણ વાંચોઃ રાજકોટ મનપા કમિશ્નર દ્વારા ડ્રાફ્ટ બજેટ રજૂ કરાયું
હરાજીમાં 67 અરજદારોએ ભાગ લીધો
જાહેર હરાજી તમામ અરજદારો માટે રાખવામાં હતી. જેમાં 67 અરજદારોએ ભાગ લીધો હતો. હરાજીમાં ભાગ લેવા માટે એક લાખ રૂપિયાની ડીપોઝીટ રાખવામાં આવી હતી. જે અરજદારોએ એક લાખ રૂપિયા રોકડા અથવા બેન્ક ડીમાન્ડ ડ્રાફટથી ડીપોઝીટ ભરી હરાજીમાં ભાગ લીધો હતો. ડીપોઝીટની રકમ હરાજી પૂર્ણ થતાં સ્થળ ઉપર જ પરત આપવામાં આવી હતી.
