જૂનાગઢ જિલ્લામાં એક અઠવાડિયા બાદ ફરીથી જથ્થાબંધ તમાકુનું વેચાણ શરૂ

એક અઠવાડિયા બાદ ફરીથી તમાકુની દુકાનો જૂનાગઢ શહેર અને જિલ્લામાં ધમધમી રહી છે. જે પ્રકારે એક અઠવાડિયા પહેલા તમાકુની દુકાનો ખુલ્યા બાદ તેને અનિશ્ચિત સમય સુધી બંધ કરવાની ફરજ પડી હતી. 28 મેંથી ફરીથી દુકાનોના દ્વાર ખુલતા તમાકુના વ્યસનીઓ ખરીદી માટે વહેલી સવારથી જ લાઈનમાં ઉભેલા જોવા મળતા હતા.

જૂનાગઢઃ શહેર અને જિલ્લામાં બંધ તમાકુની દુકાનના દ્વાર ગુરૂવારથી ફરી એક વખત ખુલતા જોવા મળી રહ્યા છે, જે પ્રકારે 1 અઠવાડિયા પહેલા તમાકુની દુકાનો ખુલવા પામી હતી. પરંતુ 50 દિવસ સુધી બંધ રહેલી આ દુકાનો ખુલતાની સાથે જ મોટી સંખ્યામાં તમાકુના વ્યસનીઓએ તમાકુની ખરીદી કરવા માટે પડાપડી બોલાવી હતી. જેને ધ્યાને રાખીને જથ્થા તમાકુના વેપારીઓએ તેમની દુકાનો અનિશ્ચિત સમય સુધી બંધ રાખવાની ફરજ પડી હતી.

હવે ફરી એક વખત જથ્થાબંધ તમાકુની દુકાનેના દ્વાર ખુલી રહી છે, ત્યારે આજે પણ વહેલી સવારથી જ તમાકુની ખરીદી કરવા મહિલા અને પુરુષો લાંબી લાઈનમાં જોવા મળી રહ્યા હતા. આજે કોઈપણ પ્રકારની અવ્યવસ્થા ઉભી ન થાય અને તમાકુની ખરીદી વખતે ગ્રાહકો કોઇ પણ પ્રકારની અનિશ્ચિતતા ઊભી ન કરે તેને ધ્યાને રાખીને દરેક દુકાન પર ચુસ્ત પોલીસ બંદોબસ્ત ફાળવવામાં આવ્યો છે અને પોલીસની હાજરીમાં તમાકુનું વેચાણ ફરી એક વખત જૂનાગઢ શહેર અને જિલ્લામાં થઈ રહ્યું છે.