- જૂનાગઢ જિલ્લામાં સર્વર ધીમો ચાલવાને કારણે રસીકરણ પ્રક્રિયા બની રહી છે મંદ
- ઓનલાઇન સર્વર ધીમો ચાલતા રસીકરણ પ્રક્રિયામાં થઈ રહ્યું છે વિક્ષેપ
- રસીકરણ પ્રક્રિયામાં વિલંબ થતાં રસી લેવા માટે આવતા વ્યક્તિઓ અને કર્મચારીઓ વચ્ચે થઇ રહી છે બોલાચાલી
જૂનાગઢ :ઓનલાઇન રસીકરણનું સર્વર સતત 48 કલાકથી ધીમું ચાલી રહ્યું છે જેને કારણે રસી લેનાર આવનાર પ્રત્યેક વ્યક્તિની નોંધણી થઇ શકતી નથી. જેને કારણે રસી લેવા માટે આવનાર વ્યક્તિઓ અને રસીકરણ કરતા કર્મચારીઓ વચ્ચે ચકમક પણ હવે થઈ રહી છે. પાછલા 48 કલાકથી આ પ્રકારની અવ્યવસ્થા ઓનલાઈન સર્વર પર જોવા મળી રહી છે, જેને કારણે રસીકરણ પ્રક્રિયા પણ ખૂબ ધીમી બની ગઈ છે અને દૈનિક રસીકરણના આંકડાઓ પણ ખૂબ ઓછા થઈ રહ્યા છે.
48 કલાકથી સર્વર ડાઉન
જૂનાગઢ જિલ્લામાં છેલ્લા 48 કલાકથી કોરોના રસીકરણ સામે નોંધણી કરતું ઓનલાઇન સર્વર પર કોઈ કારણોસર ધીમું ચાલી રહ્યું છે, આવી પરિસ્થિતિમાં હવે કોરોના રસીકરણની ગતિ ધીમી પડી છે, જેને કારણે રસીકરણ માટે આવતા વ્યક્તિઓ અને રસીકરણ કરતા આરોગ્ય વિભાગના કર્મચારીઓ વચ્ચે કેટલીક વાતોને લઈને હવે ચકમક ઝરી રહી છે. જે પ્રકારે સર્વર ડાઉન જોવા મળી રહ્યું છે જેને કારણે સમય મુજબ પ્રત્યેક વ્યક્તિનો ડેટા ઓનલાઇન રજીસ્ટર થઇ શકતો નથી જેને કારણે કેટલાક વ્યક્તિઓ ખૂબ જ અગવડતા અનુભવી રહ્યા છે.
આ પણ વાંચો : વેક્સિનના સ્ટોકના અભાવે 18 વર્ષની ઉપરના લોકોને વેક્સિનેશન માટે જોવી પડશે રાહ
રસી કેન્દ્ર પર લાગી લાંબી લાઈન
પાછલા 48 કલાકથી સર્વર ડાઉન થવાની સમસ્યા સતત જોવા મળી રહી છે જેને કારણે રસીકરણ સેન્ટરમાં રસી લેવા માટે આવતાં વ્યક્તિઓની ખૂબ લાંબી લાઈનો જોવા મળી રહી છે. જે લોકો રસીકરણ માટે આવી રહ્યા છે તેઓ સમયસર ઓનલાઇન સર્વર પર રજીસ્ટ્રેશન નહીં થવાને કારણે પણ કેટલાક વ્યક્તિઓ રસીનો જથ્થો હોવા છતાં પણ રસી લીધા વગર ઘરે પરત ફરી રહ્યા છે. આ મુશ્કેલીને કારણે હવે રસી લેવા માટે આવતા વ્યક્તિઓ પણ ભારે નારાજગી જોવા મળી રહ્યા છે.
