- શિયાળા દરમિયાન ખોરાકને લઈને ડૉક્ટરે આપ્યો અભિપ્રાય
- આ ઋતુમાં લીલા શાકભાજી અને વસાણા લાભકારક
- શિયાળાની ઋતુમાં ખોરાક પ્રત્યે નિષ્કાળજી દાખવવાથી રોગો પણ થઈ શકે
જૂનાગઢઃ શિયાળાની ઋતુને તમામ ઋતુમાં સર્વશ્રેષ્ઠ માનવામાં આવે છે. જેની પાછળનું એક કારણ એ પણ હોઈ શકે છે કે આ ઋતુ દરમિયાન મોટા પ્રમાણમાં મળી આવતા શાકભાજી અને અન્ય ખાદ્ય ચીજોની ભરમાળ જોવા મળે છે. જેને કારણે સ્વાદના રસિકો માટે શિયાળાની ઋતુ ખૂબ મહત્વ રાખતી હોય છે. આ ઋતુમાં લીલા શાકભાજીની સાથે કઠોળ, ફળ, ફ્રૂટ અને વસાણા પણ પુષ્કળ પ્રમાણમાં મળી આવતા હોય છે. જેને આપણા આરોગ્ય માટે પણ ખૂબ સારા માનવામાં આવી રહ્યાં છે. વધુમાં શિયાળા દરમિયાન જઠરાગ્નિ વધુ પ્રબળ બનતી જોવા મળે છે. આ સમયમાં લોકોની જઠરાગ્ની પ્રબળ બનવાને કારણે ખોરાક ગ્રહણ કરવાની આદત તો અને તેનું પ્રમાણ પણ ખૂબ જ વધી જતું હોય છે. વધુમાં શિયાળા દરમિયાન તમામ પ્રકારના શાકભાજી લઈને ફળ, ફ્રૂટ, તેમજ કઠોળ અને વસાણાં પણ પુષ્કળ પ્રમાણમાં બનતા અને વહેંચાતા હોય છે. જેને કારણે સ્વાદના રસિકો માટે શિયાળાની ઋતુ ખુબ જ મજેદાર અને ગુલાબી માનવામાં આવી રહી છે અને તેને કારણે લોકો શિયાળામાં ભરપેટ ભોજન કરવાનો આનંદ પણ માણતા હોય છે, પરંતુ આ ઋતુ દરમિયાન ભોજનમાં નિષ્કાળજી દાખવવામાં આવે તો જેને તંદુરસ્તીનો મહિનો કહેવામાં આવે છે તેવા શિયાળામાં પણ લોકો બીમારીનો ભોગ બની શકે છે.
શિયાળા દરમિયાન ડાયટને લઈને પ્રત્યેક વ્યક્તિએ કાળજી રાખવાની જરૂર
શિયાળાની ઋતુને આરોગ્ય અને શક્તિનો સંચય કરવાની ઋતુ પણ માનવામાં આવે છે. આ માટે આ ઋતુમાં એવા પ્રકારનો ખોરાક ગ્રહણ કરવો જોઈએ કે જે ઉનાળુ અને ચોમાસાની ઋતુમાં શારીરિક સુખાકારીની સાથે ખૂબ તંદુરસ્તીથી આપી શકે. આ સમય દરમિયાન વસાણા ખાવાની પ્રાચીન પરંપરા વર્ષોથી ચાલતી આવે છે. શિયાળામાં રોગ પ્રતિકારક શક્તિનો વધારો થાય અને ઉનાળા અને ચોમાસા દરમિયાન તે શરીરને રક્ષણ આપે તે માટે વિવિધ પ્રકારના વસાણા ખાવાની ટેવ વર્ષોથી આપણા સમાજમાં ચાલતી આવે છે. જેમાં અડદિયા, ખજૂર પાક, ગુંદર પાક, મેથી પાક, કચરિયું, તલની સાની અને ચીકી જેવા દેશી વસાણા ખૂબ સારું પોષણ આપવાની સાથે ઉનાળા અને ચોમાસા દરમિયાન રક્ષણ પણ આપી શકે છે, પરંતુ શિયાળામાં શક્તિ અને આરોગ્યનો સંચય કરવાની ઋતુમાં જો અયોગ્ય અને વધુ પ્રમાણમાં આહાર ગ્રહણ કરવામાં આવે તો જે ઋતુને આરોગ્ય અને શક્તિના સંચય માટે શ્રેષ્ઠ ઋતુ માનવામાં આવે છે.
