- કોરોના સંક્રમણના નવા વેરિયન્ટે સમગ્ર વિશ્વમાં ચિંતા પ્રસરાવી
- ત્રીજી લહેર અને નવા વેરિયન્ટને લઈને જૂનાગઢ સિવિલ હોસ્પિટલ તંત્ર સજ્જ
- 1000 કરતાં વધુ દર્દીઓને સારવાર આપવાની વ્યવસ્થા
જૂનાગઢ: કોરોના સંક્રમણનુ નવું સ્વરૂપ સમગ્ર વિશ્વમાં હાહાકાર મચાવી રહ્યું છે, નવા વેરિયન્ટ તરીકે ચિંતા ઉપજાવનાર ઓમિક્રોન વાયરસ (Omicron Variant in India) ચિંતાનો વિષય બની રહ્યું છે, ત્યારે સંભવિત બીજી લહેર અને ખાસ કરીને ઓમિક્રોન નામના નવા વેરિયન્ટને લઈ જૂનાગઢ સિવિલ હોસ્પિટલમાં તમામ આકસ્મિક પરિસ્થિતિને પહોંચી વળવા માટે તૈયારીઓ પૂર્ણ (Junagadh Civil Hospital alert for omicron variant) કરી દેવામાં આવી છે. બીજી લહેર વખતે જે પ્રકારની કાર્યવાહી સિવિલ હોસ્પિટલ તંત્ર દ્વારા દર્દીઓને મુશ્કેલી ના પડે તે માટે ઊભી કરવામાં આવી હતી. તે તમામ કામગીરી ફરી એક વખત સંપૂર્ણપણે સજ્જ કરી દેવામાં આવી છે. કોરોનાના નવા વેરિયન્ટ ઓમિક્રોનને લઈને તમામ આકસ્મિક પરિસ્થિતિને પહોંચી વળવા માટે જૂનાગઢ સિવિલ હોસ્પિટલનું વહીવટી તંત્ર કમર કસી રહ્યું છે.
1000 કરતાં વધુ દર્દીઓને સારવાર આપવાની વ્યવસ્થા
નવા વેરિયન્ટ લઈને જૂનાગઢ સિવિલ હોસ્પિટલમાં કરવામાં આવેલી તૈયારીને લઈને ઈ-ટીવી ભારતે જૂનાગઢ સિવિલ હોસ્પિટલના અધિક્ષક તબીબ સુશીલ કુમાર સાથે વાતચીત કરી હતી. તેમણે જણાવ્યું હતું કે, સિવિલ હોસ્પિટલના પાંચ ફ્લોર પર 1081 જેટલા બેડ ઓક્સિજન સાથે સજ્જ કરી દેવામાં આવ્યા છે. સિવિલ હોસ્પિટલમાં 24000 લિટર લિક્વિડ ઓક્સિજનનો સંગ્રહ કરી શકાય તે પ્રકારની વ્યવસ્થા પણ ઉભી કરવામાં આવી છે. વધુમાં ઓક્સિજનની કોઈપણ આકસ્મિક પરિસ્થિતિને પહોંચી વળવા માટે ત્રણ અલગ ઓક્સિજન પ્લાન્ટ પણ લગાવવામાં આવ્યા છે.
આ પણ વાંચો: Junagadh Politics: આપ નેતા નિખીલ સવાણીએ ભાજપ-કોંગ્રેસને આડે હાથે લીધી
આ પણ વાંચો: પોલીસ ચોકી બનાવવાને લઇ જૂનાગઢના પૂર્વ મેયર ધરણાં પર
