જામનગર: નિશા ગોંડલીયાના આરોપો વિરૂદ્ધ હાલાર રાજપૂત સમાજે આપ્યું આવેદન

જામનગર: બીટ કોઈન ચર્ચિત નિશા ગોંડલીયા પર ફાયરિંગ મામલે રાજપૂત સમાજ અને સાધુ સમાજ દ્વારા શુક્રવારે જિલ્લા કલેકટર તેમજ જિલ્લા પોલીસ વડાને આવેદનપત્ર પાઠવી નિશા ગોંડલીયાના આરોપો પાયા વિહોણા હોવાની રજૂઆત કરી છે. નિશા ગોંડલીયા પર થોડા દિવસ પહેલા આરાધનાધામ પાસે કાર પર ફાયરિંગ કરવામાં આવ્યું હતું. નિશા ગોંડલીયાએ યશપાલ જાડેજા અને ભુમાફિયા જયેશ પટેલ પર આક્ષેપ કર્યા હતા.

નીશા ગોંડલીયા હાલાર રાજપૂત સમાજના અગ્રણી જયરાજ એન્ટરપ્રાઈઝના માલિક યશપાલ જાડેજાની બદનામ કરવા માટે અવનવા આરોપ મૂકતી હોવાનું જણાવવામાં આવ્યું છે. નિશા ગોંડલીયાના તમામ આરોપો ખોટા છે. જે દિવસે નિશા ગોંડલીયા પર ફાયરિંગ થયું તે દિવસે યશપાલસિંહ જાડેજા પોતાના ભાઈના મેરેજમાં હાજર હતા.