ગુલાબનગરમાં રહેતા શંભુભાઈ ડાંગર નામના આધેડ જમીન મકાનની દલાલીનો ધંધો કરતા હતાં. તેમની મુકેશ રાઠોડ સાથે મિત્રતા હતી, ત્યારબાદ બંને સાથે કામ પણ કરતા હતા. જો કે, નવા વર્ષના દિવસે શંભુભાઈ અને મુકેશ બંને મુકેશના ઘરે એકઠા થયા હતાં, ત્યારે બંને વચ્ચે કોઈ બાબતે ઉગ્ર બોલાચાલી થતા ઉશ્કેરાયેલા મૂકેશે પોતાના ઘરમાં રહેતા તિક્ષ્ણ હથિયાર વડે શંભુભાઈ પર હુમલો કર્યો હતો. જેમાં શંભુભાઈના પેટ અને છાતીના ભાગે ઈજા થતાં ઘટનાસ્થળે જ મોત થયું હતું. આ બનાવની જાણ થતાં પોલીસ ઘટનાસ્થળે પહોંચી આગળની કાર્યવાહી હાથ ધરી છે.
જામનગરમાં નવા વર્ષે જ ખેલાયો ખૂની ખેલ, જમીન દલાલે કરી જમીન દલાલની હત્યા
