- 18 અને 19 માર્ચના રોજ ઇલેક્ટ્રીક ટ્રેનનું ટેસ્ટીંગ કરાયું
- રેલવેની આવકમાં વધારો થશે અને પ્રવાસીના સમયમાં પણ બચત થશે
- પ્રધાન પિયુષ ગોયલે ઇલેકટ્રીક ટ્રેનના ટેસ્ટીંગનો વીડિયો કર્યો ટ્વીટહાપાથી ભાટિયા રેલ લાઇનનું વિદ્યુતીકરણ પૂર્ણ રેલવે પ્રધાને ટ્વીટ કર્યો વીડિયો
રાજકોટઃ રેલવે મંત્રાલય દ્વારા ડિઝલનો ઉપયોગ ઓછો કરવા સંપૂર્ણ રેલવે રૂટનું વિજળીકરણ કરવાનો વિચાર કરવામા આવ્યો છે. આ કાર્ય માટે હાપા-ભાટિયા વિભાગની સીઆરએસ દ્વારા નિરીક્ષણ યોજાયું હતું. આ નિરિક્ષણમાં જાણવા મળ્યું હતું કે, કનેક્ટીવીટી તથા પરિવહન ક્ષમતામાં વધારો કરવાથી રેલવેની આવકમાં વધારો થશે અને પ્રવાસીના સમયની પણ બચત થશે.
ટ્રેન દોડાવી પૂરી ક્ષમતાથી ટેસ્ટીંગ કરાયું
રાજકોટ ડિવિઝનના હાપા-ભાટિયા વચ્ચે 18 અને 19 માર્ચના રોજ ઇલેક્ટ્રીક ટ્રેનનું ટેસ્ટીંગ કરવામાં આવ્યું હતું. રાજકોટ વિભાગના હાપા-ભાટિયાના વિજળીકરણનું કામ પૂર્ણ થતાં ઇલેક્ટ્રીકલ લોકો સાથે મળીને એન્જીન સાથે સંપૂર્ણ ટ્રેન દોડાવી સીઆરએસ દ્વારા ટેસ્ટીંગ કરવામાં આવ્યું હતું. રેલવે મંત્રાલય દ્વારા ડિઝલનો વપરાશ ઘટાડવા વર્ષ 2023-24 સુધીમાં સંપૂર્ણ રેલવે રૂટનું 100 ટકા વિજળીકરણ કરવા વિચારે છે.
આ પણ વાંચોઃ લોકલ ટ્રેન મેમુ શરૂ થઇ, રિઝર્વેશનથી રોજિંદા પ્રવાસીઓમાં નિરાશા
રેલવેનું સંપૂર્ણ વીજળીકરણ કરવાનો છે સરકારનો ઈરાદો
વિદ્યુતીકરણના પરિણામ સ્વરૂપ દરિયાકાંઠે ઇલેક્ટ્રીક સ્થાનો પર પુન:જીવનને લઇને વિજળીનો બચાવ થશે. વર્ષ 2023-24 સુધીમાં વિજળીકરણના લક્ષ્યાંકને પહોંચી વળવાના આશય સાથે રાજકોટ-હાપા વિભાગમાં વિજળીકરણનું કાર્ય પૂર્ણ થઇ ચૂકયું હતું અને સીઆરએસ અધિકૃતતા પણ મેળવી લેવાઇ હતી, ત્યારે હવે રાજકોટ ડિવિઝનના હાપા-ભાટિયા વચ્ચે પણ વિજળીકરણનું કાર્ય પૂર્ણ થઇ ચૂકયું છે. 18-19 માર્ચના રોજ હાપા-ભાટિયા વિભાગની સીઆરએસદ્વારા નિરીક્ષણ યોજાયું હતું. ઇલેક્ટ્રીક ટ્રેકશન દ્વારા કનેક્ટીવીટી તથા પરિવહન ક્ષમતામાં વધારો થવા સાથે રેલવેની આવકમાં વધારો થશે અને પ્રવાસીના સમયની પણ બચત થશે.
આ પણ વાંચોઃ વડોદરાથી કેવડીયા વચ્ચે ટૂંક જ સમયમાં હાઈસ્પીડ રેલ યાત્રા શરૂ થશે
