નશામુક્ત જામનગર અભિયાન હેઠળ ટાઉનહોલમાં તાલીમ કાર્યક્રમ યોજાયો

જામનગર ટાઉનહોલમાં નશામુક્ત જામનગર અભિયાન હેઠળ તાલીમ કાર્યક્રમ યોજાયો હતો. જેમાં જુદા જુદા વક્તાઓએ પ્રવચન આપ્યું હતું તેમજ વિષય નિષ્ણાતોએ નશામુક્તિ વિષય પર માર્ગદર્શન આપ્યું હતું.

• નશામુક્ત તાલીમ કાર્યક્રમ ટાઉનહોલમાં યોજાયો
• નશામુક્ત જામનગર કરવાની નેમ
• કાર્યક્રમમાં અનેક લોકોએ આપી હાજરી

જામનગર: ભારત સરકારના સામાજિક ન્યાય અને અધિકારીતા મંત્રાલય, નવી દિલ્હી દ્વારા નશામુક્ત અભિયાનનો વાર્ષિક એક્શન પ્લાન 2020-2021 દેશના 272 સંવેદનશીલ જિલ્લાઓ માટે ઘડવામાં આવ્યો છે. જેમાં ગુજરાતના સુરત, અમદાવાદ, વડોદરા, રાજકોટ, મહેસાણા, પોરબંદર, જામનગર, ભરૂચ એમ કુલ આઠ જિલ્લાઓનો સમાવેશ કરવામાં આવ્યો છે. જે અંતર્ગત નશામુકત જામનગર ઝૂંબેશ ચલાવવામાં આવી રહી છે.

આ પણ વાંચો: દિયોદર ખાતે નશાબંધી સપ્તાહ ઉજવણીનો પૂર્ણાહુતિ સમારોહ યોજાયો

ટાઉનહોલમાં યોજાયો કાર્યક્રમ

આ નશામુક્તિ અભિયાન જિલ્લામાં અમલીકરણ કરવા માટે જામનગરમમાં સરકારના શિક્ષણ, આઇ.સી.ડી.એસ., મહિલા-બાળ વિભાગના કર્મીઓ અને સ્થાનિક સ્વરાજની સંસ્થાઓના અધિકારી, કર્મચારી, પદાધિકારીઓ અને નશાબંધી ક્ષેત્રે સંકળાયેલા કાર્યરત વિવિધ સ્વૈચ્છિક સંસ્થાઓના પ્રતિનિધિઓ માટે જાગૃતિલક્ષી તાલીમ કાર્યક્રમ અધિક નિવાસી કલેક્ટર રાજેન્દ્ર સરવૈયાના અધ્યક્ષ સ્થાને યોજવામાં આવ્યો હતો. કલેક્ટર રાજેન્દ્ર સરવૈયાએ કહ્યું હતું કે, ભૌતિકવાદ, સામાજિક રીતભાત અને જીવનશૈલીના બદલાવ સાથે વ્યક્તિના જીવનમાં નશો આવી જતો હોય છે, પરંતુ માનસિક વિચારધારા અને જીવનશૈલીમાં બદલાવ સાથે આ કુટેવમાંથી વ્યક્તિને બહાર લાવી શકાય છે.

આ પણ વાંચો: ગાંધીજીના જન્મદિન નિમિત્તે જામનગરમાં નશાબંધી સપ્તાહનો પ્રાંરભ

જુદા જુદા વક્તાઓએ આપ્યું પ્રવચન

બાળકો અને યુવા વર્ગ સાથે શિક્ષકો, આશા બહેનો ખૂબ નજીકથી જોડાયેલા છે, ત્યારે ભવિષ્યની પેઢીમાં આ કુટેવ ન આવે સાથે જ યુવાવર્ગને આ કુટેવમાંથી બહાર લાવી શકવા શિક્ષકો સમર્થ છે. વર્ષો અગાઉ ધર્મગુરુ અને આધ્યાત્મિક ગુરુઓએ સમાજને નશામુક્ત બનાવવા અનેક ઝૂંબેશો દ્વારા લોકોના જીવનમાં પરિવર્તન આણ્યા છે, ત્યારે આવનાર પેઢી અને સંપૂર્ણ સમાજ તંદુરસ્ત બને તે માટે કઈ રીતે આગળ વધી શકાય તે અંગે જાગૃતિલક્ષી કાર્યક્રમનું આયોજન વખાણવા લાયક છે.

વિષય નિષ્ણાંતોએ માર્ગદર્શન આપ્યું

કાર્યક્રમમાં વિષય નિષ્ણાતોએ નશામુક્તિ વિષય પર માર્ગદર્શન આપ્યું હતું. નશામુકત જામનગર બનાવવા માટે જામનગર જિલ્લાના દરેક તાલુકા કક્ષાએ પણ તાલીમ કાર્યક્રમો યોજાયેલા છે. આ કાર્યક્રમમાં જિલ્લા શિક્ષણ અધિકારી ડોડીયા, મદદનીશ નિયામક રોજગાર સાંડપા, જિલ્લા મહિલા અને બાળ કલ્યાણ અધિકારી ચંદ્રેશ ભાભી, જિલ્લા પ્રાથમિક શિક્ષણ અધિકારી નગર શિક્ષણ સમિતિના શાસનાધિકારી, નશાબંધી અને આબકારી ખાતાના અધિક્ષક, પ્રોગ્રામ ઓફીસર આઈ.સી.ડી.એસ અને અન્ય કર્મીઓ વગેરે ઉપસ્થિત રહ્યા હતા.