- અંદાજે 500 દર્દીઓ જામનગરની જી જી હોસ્પિટલમાં દાખલ
- ગુરુ ગોવિંદ હોસ્પિટલમાં 1,237 બેડની વ્યવસ્થા છે
- સાત ખાનગી હોસ્પિટલમાં સાડા ત્રણસો બેડની વ્યવસ્થા
જામનગર: શહેરની સરકારી હોસ્પિટલ ગુરુ ગોવિંદસિંહ મોટી સંખ્યામાં અન્ય જિલ્લાના કોરોનાના દર્દીઓ દાખલ થઈ રહ્યા છે. ખાસ કરીને મોરબીમાંથી અંદાજે 500 જેટલા દર્દીઓ જામનગરની જી જી હોસ્પિટલમાં દાખલ થયા છે, તો અન્ય જિલ્લામાં જૂનાગઢ, પોરબંદર અને દેવભૂમિ દ્વારકાના દર્દીઓ પણ અહીં સારવાર અર્થે આવી રહ્યા છે. જેના કારણે જામનગરની સરકારી હોસ્પિટલ હાઉસફુલ થઈ છે.
આ પણ વાંચો:વડોદરામાં કોરોના કહેર: શહેરની સરકારી અને ખાનગી હોસ્પિટલો થઈ હાઉસફુલ, તંત્ર એક્શન મોડમાં
સરકારી હોસ્પિટલમાં 1,237 બેડની વ્યવસ્થા
જામનગરની ગુરુ ગોવિંદ હોસ્પિટલમાં આવેલી કોવિડ હોસ્પિટલમાં 1,237 બેડની વ્યવસ્થા છે. જો કે, દર્દીઓનો ભારે ધસારો હોવાના કારણે હોસ્પિટલ હાઉસફુલ થઈ છે. કોવિડ હોસ્પિટલમાં પૂરતું ઓક્સિજન પણ દર્દીઓને આપવામાં આવી રહ્યું છે.
આ પણ વાંચો:જામનગરની કોવિડ હોસ્પિટલમાં આજે શુક્રવારે 1,000 કોવિડ દર્દીઓ દાખલ થાય તેવી શક્યતા
જામનગરની સાત ખાનગી હોસ્પિટલોને અપાઈ મંજૂરી
જામનગર મહાનગરપાલીકા દ્વારા જામનગર શહેરમાં આવેલી સાત જેટલી ખાનગી હોસ્પિટલોને કોરોનાના દર્દીઓની સારવાર કરવાની છૂટ આપી છે. સરકારી હોસ્પિટલ હાઉસફુલ થતા વહીવટી તંત્ર દ્વારા ખાનગી હોસ્પિટલના દ્વાર દર્દીઓ માટે ખોલવામાં આવ્યા છે. તમામ સાત ખાનગી હોસ્પિટલમાં સાડા ત્રણસો બેડની વ્યવસ્થા છે.
