- રેમડેસીવીરથી હોસ્પિટલના સ્ટેનો સમય ઘટાડી શકાય છે
- બીજી લહેર ઓછી થતાં નિયમોનું પાલન તો કરવું પડશે
- ત્રીજી લહેર પહેલા સરકારે કરી તૈયારીઓ
ગાંધીનગર: મુખ્યપ્રધાન વિજય રૂપાણીએ કોરોનાની સંભવિત ત્રીજી લહેર જો આવે તો તેની શરૂઆતથી જ ટ્રીટમેન્ટ, પ્લાનિંગ અને મેડિસિનથી માંડીને અન્ય આરોગ્ય ઈન્ફ્રાસ્ટ્રક્ચરના સમયબદ્ધ પ્લાનિંગ માટે તજજ્ઞો અને ટાસ્ક ફોર્સ સાથે બેઠક કરી હતી. જે બાદ ટાસ્ક ફોર્સ દ્વારા મીડિયા સમક્ષ કોરોનાને લગતી કેટલીક જરૂરી બાબતો શેર કરવામાં આવી હતી. જેમાં ટ્રીટમેન્ટ, પ્લાનિંગ અને મેડિસિનથી માંડીને અન્ય આરોગ્ય ઈન્ફ્રાસ્ટ્રક્ચર વિશે મીડિયા સમક્ષ જરૂરી વાત જણાવી.
આ પણ વાંચોઃ રાજ્ય સરકાર દ્વારા તમામ સિવિલ હોસ્પિટલ્સમાં મ્યુકોરમાઇકોસીસ માટે વોર્ડ શરૂ કરાશે
20 ટકાને જ સારવારની મોટી જરૂર હોય છે
ડૉ. અતુલ પટેલે મેડિટેશન અને ફંગશ, મ્યુકરમાઈકોસિસ વિશે વાત કરતા જણાવ્યું હતુ કે, ટેસ્ટ પોઝિટિવ આવતા લોકો ઘણી દવાનો આગ્રહ રાખે છે પરંતુ યંગ છે, કોમોરબિટ છે તેમને વધુ દવાઓનો આગ્રહ ન રાખવો, 80 ટકા આરામ, હાઇડ્રેશન કરશો અને ડોલો, પેરાસિટમલ જેવી દવાઓથી પણ સાજા થઈ શકે છે. રેમડેસીવીર મામલે એક પણ સ્ટડીમાં એવું પૂરવાર નથી થયું કે દર્દીનો જીવ બચ્યો છે પરંતુ હોસ્પિટલ સ્ટે ઘટે છે. ઓક્સિજનની જરૂર છે તેવા દર્દીને આપવામાં આવે તે જરૂરી છે. રેમડેસીવીર ઇન્જેક્શનના લીધા હોય તેમને પણ સ્ટડી થયા છે તે મુજબ મૃત્યુ બન્નેમાં સરખા થયા છે.
શરૂઆતમાં સ્ટીરોઇડ એ મ્યુકરમાઈકોસીસ થવાનું કારણ છે
સ્ટીરોઇડને ટાળવી જોઈએ, નેચરલ કોર્સના સમયે શરૂઆતમાં આપશો તો નેચરલ કોર્ષ ઓલ્ટર થશે અને બીજી સમસ્યા ઉભી થશે. સ્ટીરોઇડ એ મ્યુકરમાઈકોસીસ થવાનું કારણ છે. જેમને બીજી બીમારી છે તેમને 2020માં આ રોગ થતો જ હતો. અત્યારે ડાયાબિટીસ, વાઇરસ વગેરેના કારણે થાય છે.
આ પણ વાંચોઃ કોરોનાના દર્દીઓમાં જોવા મળતું મ્યુકરમાઈકોસિસનું સંક્રમણ જીવલેણ હોઈ શકે, કેન્દ્ર સરકારે જાહેર કર્યું પરામર્શ
મ્યુકરમાઇકોસિસિના લક્ષણ
શાકભાજી, કચરો કે જેમાં સડો થાય છે, પવનની હવા આવે ત્યારે આ હવામાં પ્રસરે છે. આપણા નાક અને શરીર સુધી પહોંચે છે. આ સામાન્ય દિવસોમાં કંઈ નથી થતું પરંતુ અત્યારે સ્ટીરોઇડ, ડાયાબીટીસના કારણે તે લોહીમાં પહોંચી કેન્સર કરતા વધુ નુકશાન કરે છે. સુરત, અમદાવાદ, હૈદરાબાદ વગેરેમાં થયેલા રીસર્ચના આધારે માથાનો દુખાવો, આંખનો દુખાવો, ગાલના ભાગે દુખાવો, નાક બંધ થઇ જવું, ચામડી અને દાંતમાં અસર થવી એ તેના લક્ષણો છે.
7 દિવસ સુધી સ્ટીરોઇડનો ઉપયોગ ના કરવો જોઈએ
ડૉ. મહર્ષિ દેસાઈએ જણાવ્યું હતું કે, કોરોનામાં સમય પ્રમાણે અને પેશન્ટ પ્રમાણે અલગ અલગ ટ્રીટમેન્ટ થાય છે, શરૂઆતમાં પેરાસિટામલની જરૂર હોય છે. 7 દિવસ પછી ડોક્ટરની સલાહ મુજબ ટ્રીટમેન્ટ થાય છે. 7 દિવસ સુધી સ્ટીરોઇડનો ઉપયોગ ના કરવો જોઈએ. ટેમ્પ્રેચર અને ઑક્સિજન લેવલ ચેક કરતા રહેવું જોઈએ.
બેઝિક નિયમો પાલન કરવા જ જોઈએ, ત્રીજો વેવ આવી શકે છે
ડૉ. તેજસ પટેલે જણાવ્યું હતુ કે, હ્યદયની નડીઓમાં ક્લોટ થવાના કેસો પણ કોરોનામાં જોવા મળ્યા છે. ફર્સ્ટ ફેઝ પછી આપણે રિલેક્સ થયા અને એ પછી પરિણામો ભોગવવા પડ્યા છે. બેઝિક નિયમો પાલન કરવા જ જોઈએ, ત્રીજો વેવ આવી શકે છે. થર્ડ વેવ પહેલા વેક્સિન લઈ લેવી જોઈએ. જે લોકોએ વેક્સિનના બે ડોઝ લીધા જેમાં મોટાભાગના બચી ગયા છે.
