ગાંધીનગર : ગુજરાત વિધાનસભાની ચૂંટણી (Gujarat Assembly Elections 2022) 3 મહિના બાદ આવી રહી છે, ત્યારે વડાપ્રધાન નરેન્દ્ર મોદી અને કેન્દ્રીય ગૃહપ્રધાન અમિત શાહ વારંવાર ગુજરાત પ્રવાસે આવી રહ્યા છે. 29 જુલાઈના રોજ વડાપ્રધાન નરેન્દ્ર મોદી ફરી ગુજરાત આવી રહ્યાં છે. તેઓ ગાંધીનગર ગિફ્ટ સિટીમાં (Gandhinagar Gift City ) દેશના પ્રથમ ઈન્ટરનેશનલ ફાઇનાન્શિયલ સર્વિસીસ સેન્ટરની મુલાકાત (PM Modi visit to Gujarat) લઈને ખુલ્લું મુકશે, ઉલ્લેખનીય છે કે ગિફ્ટ સિટી એ વડાપ્રધાન નરેન્દ્ર મોદીનો ડ્રીમ પ્રોજેકટ (PM Narendra Modi dream project) છે.
શું કરશે ગિફ્ટ સિટીમાં પીએમ મોદી - વડાપ્રધાન નરેન્દ્ર મોદી 29 જુલાઈના રોજ મુલાકાત (PM Modi visit to Gujarat) દરમિયાન, ભારતમાં આંતરરાષ્ટ્રીય નાણાકીય સેવા કેન્દ્રો (IFSCs)માં નાણાકીય ઉત્પાદનો, નાણાકીય સેવાઓ અને નાણાકીય સંસ્થાઓના વિકાસ અને નિયમન માટે એકીકૃત નિયમનકાર, ઇન્ટરનેશનલ ફાઇનાન્શિયલ સર્વિસિસ સેન્ટર્સ ઓથોરિટી (IFSCA International Financial Services Centers Authority )ના મુખ્યાલયની ઇમારતનો શિલાન્યાસ કરશે. IFSCAના મુખ્ય મથકની ઇમારતને આઇકોનિક સ્ટ્રક્ચર તરીકે પરિકલ્પના કરવામાં આવી છે, જે અગ્રણી આંતરરાષ્ટ્રીય નાણાકીય કેન્દ્ર તરીકે GIFT-IFSCની (Gandhinagar Gift City ) વધતી જતી વિશેષતા અને કદને પ્રતિબિંબિત કરે છે.
આ પણ વાંચોઃ Exhibition in Mahatma Mandir : મુખ્યપ્રધાને નાણાંપ્રધાનની હાજરીમાં કેન્દ્રીય જાહેર સાહસોને આપી દીધું એક ઇજન
દેશનું પ્રથમ ઇન્ટરનેશનલ બુલિયન એક્સચેન્જ - વડાપ્રધાન મોદી GIFT-IFSCમાં ભારતનું પ્રથમ ઇન્ટરનેશનલ બુલિયન એક્સચેન્જ, ઇન્ડિયા ઇન્ટરનેશનલ બુલિયન એક્સચેન્જ (IIBX India International Bullion Exchange) લોન્ચ (PM Modi visit to Gujarat) કરશે. IIBX ભારતમાં સોનાના નાણાકીયકરણને વેગ આપવા ઉપરાંત જવાબદાર સોર્સિંગ અને ગુણવત્તાની ખાતરી સાથે કાર્યક્ષમ ભાવ શોધની સુવિધા આપશે. આનાથી ભારત વૈશ્વિક બુલિયન માર્કેટમાં તેનું યોગ્ય સ્થાન મેળવવા અને વૈશ્વિક મૂલ્ય શૃંખલાને અખંડિતતા અને ગુણવત્તા સાથે સેવા આપવા માટે સશક્ત બનશે.
આ પણ વાંચોઃ CM Bhupendra Patel Visit Gift City : વડાપ્રધાન મોદીના ડ્રીમ પ્રોજેક્ટની મુખ્યપ્રધાને સમીક્ષા બેઠક યોજી
આ એક્સચેન્જનું મહત્વ- મુખ્ય ઉપભોક્તા તરીકે વૈશ્વિક બુલિયનના ભાવને પ્રભાવિત કરવામાં ભારતને સક્ષમ બનાવવા માટે ભારત સરકારની પ્રતિબદ્ધતાને પણ પુનઃ લાગુ કરે છે. NSE IFSC-SGX કનેક્ટનું પણ લોન્ચિંગ કરશે. આ કનેક્ટ હેઠળ, સિંગાપોર એક્સચેન્જ લિમિટેડ (SGX)ના સભ્યો દ્વારા મૂકવામાં આવેલા NIFTY ડેરિવેટિવ્ઝ પરના તમામ ઓર્ડર્સ NSE-IFSC ઓર્ડર મેચિંગ અને ટ્રેડિંગ પ્લેટફોર્મ પર રૂટ કરવામાં આવશે અને મેચ કરવામાં આવશે. આ કનેક્ટ GIFT-IFSC પર ડેરિવેટિવ માર્કેટ્સમાં તરલતાને વધુ ઊંડું કરશે, વધુ આંતરરાષ્ટ્રીય સહભાગીઓને લાવશે અને GIFT-IFSCમાં (Gandhinagar Gift City ) નાણાકીય ઇકોસિસ્ટમ પર હકારાત્મક અસર કરશે.
કોણ રહેશે હાજર - ભારતમાંથી બ્રોકર-ડીલર્સ અને સમગ્ર આંતરરાષ્ટ્રીય અધિકારક્ષેત્રોમાં કનેક્ટ દ્વારા ડેરિવેટિવ્ઝના વેપાર માટે મોટી સંખ્યામાં ભાગ લેવાની અપેક્ષા છે. આ મુલાકાત દરમિયાન અન્ય કેટલીક મહત્વની જાહેરાતો પણ કરવામાં આવશે. ગિફ્ટ સિટીના કાર્યક્રમ દરમિયાન પીએમ મોદી (PM Modi visit to Gujarat) સાથે ગુજરાતના મુખ્યપ્રધાન ભૂપેન્દ્ર પટેલ, કેન્દ્રીય ગૃહ અને સહકાર પ્રધાન અમિત શાહ, નાણાંપ્રધાન નિર્મલા સીતારમણ, કેન્દ્રીય નાણાં રાજ્ય પ્રધાન પંકજ ચૌધરી અને ડો. ભાગવત કિશનરાવ કરાડ પણ ઉપસ્થિત રહેશે.
