- એક્સિજનની તમામ સરકારી હોસ્પિટલમાં ફાયર NOC મેળવવા કરાયો હુકમ
- આરોગ્ય વિભાગની હસ્તક તમામ હોસ્પિટલમાં ફાયર સેફટી ચકાસણી બાબતે આદેશ
- રાજ્યના આરોગ્ય વિભાગ દ્વારા તમામ મ્યુ. કમિશ્નર અને ફાયર ઓફીસરને પત્ર લખીને કરાઈ જાણ
ગાંધીનગર : ફાયર NOCને લઈને ગુજરાત હાઇકોર્ટમાં એક ખાસ સુનવણી હાથ ધરવામાં આવી છે, જ્યારે બીજી તરફ અમદાવાદ મ્યુનિસિપલ કોર્પોરેશન દ્વારા અમદાવાદની 95 જેટલી ફાયર પરવાનગી વગરની હોસ્પિટલ અને સીલ મારવાની નોટિસ આપવામાં આવી છે, ત્યારે હવે ગુજરાત રાજ્યના આરોગ્ય વિભાગ દ્વારા ખાસ પરિપત્ર બહાર પાડીને રાજ્યના આરોગ્ય વિભાગ હસ્તકની તમામ ઇમારતોમાં ફાયર સેફ્ટી(Fire Safety)ની ચકાસણી કરવાની સૂચના આપવામાં આવી છે.
આ પણ વાંચો- FIRE NOC: અમદાવાદની 95 હોસ્પિટલને ક્લોઝર નોટિસ અપાઈ
રાજયના તમામ મ્યુ. કમિશ્નરને અપાઈ સૂચના
રાજ્યના આરોગ્ય વિભાગ દ્વારા રાજ્યના તમામ મ્યુનિસિપલ કમિશનર અને નગરપાલિકાના અધિકારીઓને ખાસ સુચના આપવામાં આવી છે. જેમાં આરોગ્ય ખાતાના હસ્તક મેડિકલ કોલેજ હોસ્પિટલ, સામુહિક આરોગ્ય કેન્દ્ર, પ્રાથમિક આરોગ્ય કેન્દ્ર, શેરી સામુહિક આરોગ્ય કેન્દ્ર તથા અન્ય સરકારી આરોગ્ય સંસ્થાઓમાં ફાયર સેફટી(Fire Safety)ની ચકાસણી કરવામાં આવે અને યોગ્ય કાર્યવાહી હાથ ધરવાની સુચના આપવામાં આવી છે.
ફાયર એન.ઓ.સી ના હોય તો મેળવી લેવી
આરોગ્ય વિભાગ દ્વારા જાહેર થયેલા પરિપત્રમાં રાજ્યના તમામ મ્યુનિસિપલ કમિશનર અને નગર પાલિકાના અધિકારીઓને ઉલ્લેખીને જણાવવામાં આવ્યું છે કે, આરોગ્ય વિભાગના હસ્તકની તમામ બિલ્ડીંગો અને ઇમારતો, હોસ્પિટલો, કોલેજોમાં ન હોય તો તે તાત્કાલિક ધોરણે મેળવી લેવી અને જે તે અધિકારી સ્થળની મુલાકાત કરીને ફાયરના સાધનોની પણ ચકાસણી કરવાની સૂચના આપવામાં આવી છે.
આ પણ વાંચો- અમદાવાદમાં આવેલી 10,329 ઈમારતોમાંથી 4784 ઈમારતો પાસે ફાયર સેફ્ટી જ નથી
અમદાવાદમાં ફાયર NOC વગરની હોસ્પિટલ થશે સીલ
અમદાવાદની વાત કરવામાં આવે તો ફાયર બ્રિગેડ દ્વારા વારંવાર હોસ્પિટલ અને કોમર્શિયલ કોમ્પલેક્ષની સામે પાયલ NOCનો ઝુંબેશ ચલાવવામાં આવે છે, ત્યારે અમદાવાદ કોર્પોરેશને 95 જેટલી ખાનગી હોસ્પિટલો પાસે સાત દિવસના અલ્ટીમેટમ આપીને પાયલ NOC મેળવવાની કડક સૂચના આપવામાં આવી છે અને જો સાત દિવસની અંદર NOC મેળવવામાં નહીં આવે, તો NOC વગરની હોસ્પિટલ પણ સીલ કરવામાં આવશે.
