ગાંધીનગરના સ્મશાનોમાં દિવસના 600 મણ લાકડાનો ઉપયોગ થાય

CNG ભઠ્ઠી ઉપરાંત લાકડામાં પણ કોરોનાના મૃતદેહોનો અગ્નિસંસ્કાર કરવામાં આવે છે. કોરોનામાં મૃતદેહોની સંખ્યા વધી રહી છે. જેથી લાકડાની ભઠ્ઠીઓ પણ વધારાઈ છે અને લાકડાઓનો ઉપયોગ પણ વધ્યો છે. ગાંધીનગર સેક્ટર 30ના એક જ સ્મશાનમાં એક જ દિવસે રોજના 600 મણથી વધુ લાકડાઓનો ઉપયોગ થાય છે. એટલે આ એક જ મોટા સ્મશાનોમાં મહિનાના 18,000 મણ લાકડાનો ઉપયોગ થઈ રહ્યો છે.

• દિવસના 600 મણ લાકડાનો ઉપયોગ અંતિમવિધિ માટે થાય
• મુક્તિધામમાં 15 દિવસ પહેલા રોજના 60થી 70 મૃતદેહો આવતા
• એક મૃતદેહને 15 મણ આ લાકડાની જરૂર પડે

ગાંધીનગર : મુક્તિધામ સ્મશાનના સંચાલક જીલુભા ધાંધલે જણાવ્યું કે, એક જ દિવસના 600 મણ જેટલા લાકડાનો અંતિમવિધિ માટે ઉપયોગ કરાય છે. મુક્તિધામ સ્મશાનમાં 15 દિવસ પહેલા રોજના 60થી 70 મૃતદેહો લાવવામાં આવતા હતા. જ્યારે વધુ સ્મશાનોમાં એક્ટિવ કરાતા મુક્તિધામમાં રોજના 45થી 55 મૃતદેહો આવી રહ્યા છે. બે CNG ભઠ્ઠી છે. બાકી 10 લાકડાની ભઠ્ઠીઓ અત્યારે ઉપયોગમાં લેવાઇ રહી છે.

સ્મશાનોમાં 600 મણ લાકડાનો ઉપયોગ

CNG ભઠ્ઠીમાં 10 મૃતદેહોની અંતિમવિધિ થાય

એક જ મૃતદેહને 15 મણ આ લાકડાની જરૂર પડે છે. CNG ભઠ્ઠીમાં 10 મૃતદેહોની અંતિમવિધિ થાય છે. અહીં 600 મણ જેટલા લાકડાનો ઉપયોગ દરરોજનો થાય છે. જો કે, પૂરતા પ્રમાણમાં લાકડાઓ અત્યારે સ્મશાનોમાં મળી રહે છે. જેમાં કેટલાક લોકો સેવાકીય રીતે સામેથી લાકડાઓ આપી રહ્યા છે. જયારે ટેન્ડર પ્રક્રિયા થકી લાકડાઓ પહોંચાડાય છે.

સ્મશાનોમાં 600 મણ લાકડાનો ઉપયોગ

મહિનાના 25,000થી 26,000 મણ લાકડાનો ઉપયોગ થાયડેપ્યુટી મ્યુનિસિપલ કમિશ્નર પી.સી. દવેએ કહ્યું કે, ગાંધીનગર સિટીમાં 55થી વધુ ડેડ બોડી આવે છે. બંન્ને સ્મશાનોમાં 850 મણથી વધુ લાકડાનો રોજ ઉપયોગ થાય છે. એટલે મહિનાના 25,000થી 26,000 મણ લાકડાનો ઉપયોગ થાય છે. કોરોનામાં મૃતદેહોની સંખ્યા ત્રણથી ચાર ગણી થઈ હોવાથી લાકડાની ભઠ્ઠીઓઓ પણ વધારવામાં આવી છે.

સ્મશાનોમાં 600 મણ લાકડાનો ઉપયોગ

લાકડાનો ઉપયોગ પહેલા 150થી 200 મણ આસપાસ થતો

મુક્તિધામમાં જ પહેલા ચાર જેટલી લાકડાની ભઠ્ઠીઓ હતી. જે વધારીને 10 કરવામાં આવી છે. જીલુભા ધાંધલે કહ્યું કે, અહીં પહેલા સામાન્ય દિવસોમાં 10થી 15 મૃતદેહો લાવવામાં આવતા હતા. અત્યારે 40થી 45 મૃતદેહો આવે છે. જેથી લાકડાનો ઉપયોગ પહેલા 150થી 200 મણ આસપાસ થતો હતો. અત્યારે ત્રણથી ચાર ગણો વધી ગયો છે. જે જોતા રોજની બેથી ત્રણ ગાડી લાકડાની કઠવાડાથી ગાંધીનગર આવતી હોય છે.

સ્મશાનોમાં 600 મણ લાકડાનો ઉપયોગ

કોર્પોરેશન દ્વારા ટેન્ડર પ્રક્રિયા થકી લાકડા પહોંચાડવાનું કાર્ય થઈ રહ્યુંગાંધીનગર કોર્પોરેશન દ્વારા ટેન્ડર પ્રક્રિયા થકી લાકડા પહોંચાડવાનું કાર્ય થઈ રહ્યું છે. જેમાં દરરોજની ત્રણ ગાડી આવતી હોય છે. જોકે, સ્મશાન વધારવામાં આવ્યા એ પહેલા જરૂર પડે ત્યારે ચાર ગાડીઓ પણ અહીં લાવવામાં આવતી હતી. કોર્પોરેશન દ્વારા એક જ જગ્યાએ મુક્તિધામમાં વધુ મૃતદેહો આવતા હોવાથી પંચાયતોની 20થી વધુ લાકડાઓની ભઠ્ઠીઓ સ્મશાનમાં વધારવામાં આવી છે. જેથી અહીં મૃતદેહોનું ભારણ ઘટ્યું છે.

સ્મશાનોમાં લોકો એક જ ભાવથી લાકડા આપી રહ્યા

કોર્પોરેશનના ગાંધીનગરમાં મુક્તિધામ સેક્ટર 30 અને સરગાસણ રુદ્રભુમી તેમજ આજુબાજુના ગામોમાં એક્ટિવ રહેલા સ્મશાનોમાં આ પ્રકારની સેવા આપે છે. જેથી લોકો ફ્રીમાં અગ્નિ સંસ્કાર તેમના સ્વજનોના કરી શકે છે. કેટલાક લોકો સામેથી ટ્રેક્ટર ભરીને લાકડાઓ અહીં લઈને આવતા હોય છે. જેથી ક્યારેક સામેથી સેવા મળી રહે છે. જો કે, સ્મશાનોમાં લોકો એક જ ભાવથી લાકડા આપી રહ્યા છે. લાકડાના ભાવમાં કોઈ ફર્ક પડ્યો નથી.

315 પૂડાઓનો ઉપયોગ મુક્તિધામ સ્મશાનમાં કરવામાં આવેએક ડેડ બોડીને અગ્નિદાહ આપવા માટે સાત જેટલા પુડાઓનો ઉપયોગ કરવામાં આવે છે. મુક્તિધામમાં અહીં 55 બોડી આવી રહી છે. જેમાં લાકડામાં 45 ડેડ બોડીનો અગ્નિદાહ કરવામાં આવે છે. જેથી અંદાજ લગાવી શકાય છે કે, અહીં 315 પૂડાઓનો ઉપયોગ મુક્તિધામ સ્મશાનમાં કરવામાં આવી રહ્યો છે.