- રાયસણ ખાતે યોજાયું સંમેલન
- આપના કાર્યકર્તાઓનું જોવા મળ્યું પૂર
- કોંગ્રેસના પૂર્વ શહેર પ્રમુખ આપમાં જોડાયા
ગાંધીનગર : સ્થાનિક સ્વરાજ્યની ચૂંટણીમાં આમ આદમી પાર્ટીની અમુક બેઠકો પર જીત છે. જ્યારે સુરત શહેરમાં વિપક્ષ તરીકેની ભૂમિકા હવે આમ આદમી પાર્ટી કાર્યરત થઇ છે ત્યારે હવે આવનારા સમયમાં ગાંધીનગર કોર્પોરેશનની ચૂંટણી આવી રહી છે. તેમાં પણ આમ આદમી પાર્ટી તમામ વૉર્ડમાં ઉમેદવારો ઉભા રાખવાની જાહેરાત સત્તાવાર રીતે કરવામાં આવી છે. ગાંધીનગરના રાયસણ ગામ ખાતે યોજાયેલા કાર્યકર્તા સંમેલનમાં ગાંધીનગર શહેરના કોંગ્રેસના પૂર્વ શહેર પ્રમુખ પણ આમ આદમી પાર્ટીમાં સત્તાવાર રીતે આજે જોડાયા હતા.
બૂથ મજબૂત કરવાનો આપ્યો ટાર્ગેટ
મંચ પરથી આમ આદમી પાર્ટીના તમામ કાર્યકર્તાઓને તમારા બૂથ મજબૂત કરો એવા પણ સૂચનો આપવામાં આવ્યા હતા, ત્યારે વર્ષ 2022માં આવનારી વિધાનસભાની ચૂંટણીમાં પણ આમ આદમી પાર્ટી વિધાનસભાના ઉમેદવારો માટેની તૈયારીઓ કરી રહી હોવાનું પણ નિવેદન મંચ પરથી કરવામાં આવ્યું હતું તમામ બૂથ પર આમ આદમી પાર્ટી બૂથ ને મજબૂત કરે તો વિધાનસભાની ચૂંટણીમાં પણ આમ આદમી પાર્ટી વિજય બનશે. તેવા વિશ્વાસ સાથે આમ આદમી પાર્ટીના આગેવાનો દ્વારા સંબોધન કરવામાં આવ્યું હતું.
તમામ જગ્યાએ યોજાઈ રહ્યું છે કાર્યકર્તા સંમેલન
સંમેલન બાબતે ગુજરાત આમ આદમી પાર્ટીના અધ્યક્ષ અને પ્રમુખ ગોપાલ ઇટાલીયાએ જણાવ્યું હતું કે, રાજ્યમાં તમામ જગ્યા પર કાર્યકર્તા સંમેલનનું આયોજન કરવામાં આવ્યું છે. ઉત્તર ગુજરાત ત્યાર બાદ મધ્ય ગુજરાત અને હવે દક્ષિણ ગુજરાત અને અન્ય ગુજરાતના વિભાગોમાં પણ કાર્યકર્તા સંમેલન કાર્યરત કરવામાં આવશે અને આવનારી વિધાનસભાની ચૂંટણી અને ગાંધીનગર કોર્પોરેશનની ચૂંટણીમાં આમ આદમી પાર્ટી પોતાના ઉમેદવારો જાહેર કરશે. તેવું નિવેદન પણ ગોપાલ ઇટાલીયાએ આપ્યું હતું.
દિલ્હી મોડલ અપનાવી શિક્ષણમાં સુધારો લાવીશું
કોંગ્રેસનો હાથ છોડી આપનો સાથ લેતાં આગેવાન મુકેશ પટેલ જણાવ્યું હતું કે, દિલ્હી મોડલ અપનાવી ગાંધીનગરમાં શિક્ષણ અને આરોગ્ય ક્ષેત્રે પ્રજાલક્ષી સુવિધા આપી વિકાસ કરાશે ગાંધીનગર મહાનગર પાલિકામાં વિજય મેળવી આપ ઈતિહાસ રચશે, આમ ગાંધીનગર ખાતે ગાંધીનગર શહેર કોંગ્રેસના પૂર્વ પ્રમુખ તેમજ કેપીટલ ક્રિએંટીવ ક્લબ, ગાંધીનગરના પ્રમુખ મુકેશ પટેલ તેમનાં સેંકડો સમર્થકો સાથે કોંગ્રેસ છોડીને આપમાં જોડાયા છે.
