ગાંધીનગર : રામનવમીના પર્વ પર હિંમતનગર અને ખંભાતમાં અસામાજિક તત્વો દ્વારા (Ram Navami Festival in Himmatnagar) ધાર્મિક આસ્થાને ઠેસ લાગતા કાર્ય કરવામાં આવ્યા હતા. તે બાબતે ગૃહપ્રધાન હર્ષ સંઘવી રાત્રે 11:30 કલાકે એક ઉચ્ચસ્તરીય બેઠક બોલાવી હતી. જેમાં ગાંધીનગર રેન્જ IG અને ખંભાતના ઉચ્ચ પોલીસ અધિકારીઓને હાજર રહેવાની સૂચના આપવામાં આવી હતી. આ ઘટનાને વધુ વેગ ન મળે તેમજ અસામાજિક તત્વો તાત્કાલિક ધોરણે પોલીસની હિરાસતમાં આવે તે બાબતે બેઠકમાં મળી હતી.
બેઠકમાં શું થઈ ચર્ચા - મોડી રાત્રે યોજાયેલી બેઠકમાં રાજ્યના પોલીસ વડા આશિષ ભાટિયાએ જણાવ્યું હતું કે, ગૃહ રાજ્યપ્રધાન સાથે મોડી રાત્રે બેઠક હતી. જેમાં દિવસ દરમિયાન હિંમતનગર અને ખંભાતની (Anti-Social Elements in Himmatnagar Khambhat) પરિસ્થિતિ અંગે રીવ્યુ કરાયો છે. જ્યારે બનાવ બાબતે સ્થાનિક અધિકારીઓ જોડાયા છે. હિંમતનગરમાં રાયોટીંગનો ગુનો દાખલ કરી અમુક લોકોને રાઉન્ડ અપ કરાયા છે. આ ઉપરાંત હિંમતનગર અને ખંભાતની ઘટનામાં કડકમાં કડક કાર્યવાહી થાય અને ગણતરીના કલાકોમાં ઘટનાને અંજામ આપનાર વ્યક્તિઓની ધરપકડ થાય તે બાબતની સૂચના પણ આપવામાં આવી છે.
આ પણ વાંચો : રામનવમી શોભાયાત્રા દરમિયાન પથ્થરમારો, પોલીસકર્મીને પણ ટોળાએ બાનમાં લીધા
સાયબર ક્રાઇમ નજર - આશિષ ભાટિયાએ વધુમાં જણાવ્યું હતું કે, હિંમતનગરમાં બે IG અને ચાર SP કક્ષાના અધિકારી ઘટના પર (Himmatnagar Group Pelted) નજર રાખી રહ્યા છે. જ્યારે RAFની બે કંપની પણ હિંમતનગર મોકલવામાં આવી છે. સાથે ખંભાતમાં રાયોટિંગના બે ગુના દાખલ કર્યા છે. આ ઉપરાંત DIG કક્ષાના અધિકારી તૈનાત છે. રાજ્યમાં જરૂરી પગલાં લેવાની પણ સૂચના અપાઈ છે. સોશિયલ મીડિયામાં ખોટી (Himmatnagar Ram Navami Procession) માહિતી હશે તો તેને હટાવવાની કામગીરી કરી ગુનો પણ દાખલ કરાશે. આ તમામ બાબતે સાયબર ક્રાઇમ નજર રાખી રહ્યું છે.
આ પણ વાંચો: અમરેલીમાં રામનવમીની ભવ્ય ઉજવણી, હવેલી ચોકથી રામજી મંદિર ભવ્ય શોભાયાત્રાનું આયોજન
સમગ્ર રાજ્યમાં પોલીસની ચાંપતી નજર - હિંમતનગર અને ખંભાત બનેલી ઘટનાની અસર રાજ્યના અન્ય જિલ્લાઓમાં અને શહેરોમાં ન થાય તેને ધ્યાનમાં લઈને પણ બેઠકમાં (Harsh Sanghvi Meeting in Gandhinagar) ખાસ ચર્ચા કરવામાં આવી છે. સમગ્ર રાજ્યમાં કોઇ પગલાં લેવાની સૂચના પણ તમામ રેન્જ IG, તમામ પોલીસ કમિશ્નર અને જિલ્લા SPને આપવામાં આવી છે. આમ બે જિલ્લામાં થયેલી ઘટનાની સમગ્ર અસર અન્ય જિલ્લામાં ન થાય તે માટે પણ પોલીસની ચાંપતી નજર રહેશે.
