ગુજરાત કોરોના અપડેટ: 24 કલાકમાં નવા 1272 કેસ, 1050 ડિસ્ચાર્જ, 14 મોત, કુલ 92,601 કેસ

રાજ્યમાં કોરોના વાયરસના આંકડામા સતત વધારો જોવા મળી રહ્યો છે. કોરોના વાયરસ રોજ નવા વિક્રમ બનાવી રહ્યો છે. રાજ્યમાં કુલ આંકડો 90 હજારને વટાવી ગયો છે. 24 કલાકમાં નવા 1272 કેસ નોંધાયા છે. જ્યારે કોરોના વાયરસના કારણે છેલ્લાં 24 કલાકમાં સારવાર લઈ રહેલા 17 દર્દીનાં મોત થયાં છે. રાજ્યમાં કોરોના વાયરસના કુલ 92,601 પોઝિટિવ કેસ અત્યાર સુધીમાં નોંધાયાં છે. છેલ્લાં 24 કલાકમાં રાજ્યમાં 1050 દર્દીઓને સ્વસ્થ થતાં રજા આપવામાં આવી હતી.

ગાંધીનગરઃ ગુજરાત કોરોના વાયરસના કેસમાં ખૂબ જ આગળ વધી રહ્યું છે. રાજ્યમાં છેલ્લા 24 કલાકમાં સુરત કોર્પોરેશન વિસ્તારમાં 178, અમદાવાદ કોર્પોરેશન વિસ્તારમાં 145, વડોદરા કોર્પોરેશન 97, સુરત 92, રાજકોટ કોર્પોરેશન 82, જામનગર કોર્પોરેશન 81, ભાવનગર કોર્પોરેશન 37, વડોદરા 35, પંચમહાલ 30, રાજકોટ 30, અમરેલી 28, ભાવનગર 28, મોરબી 26, ગાંધીનગર 25, ગીર સોમનાથ 24, અમદાવાદ 23, બનાસકાંઠા 23, કચ્છ 22, ભરૂચ 21, મહેસાણા 19, વલસાડ 18, આણંદ 16, પાટણ 16, દાહોદ 15, દેવભૂમિ દ્વારકા 15, જૂનાગઢ કોર્પોરેશન 14, નવસારી 14, ગાંધીનગર કોર્પોરેશન 13, ખેડા 13, નર્મદા 12, જામનગર 11, જૂનાગઢ 11, છોટાઉદેપુર 9, મહીસાગર 9, સુરેન્દ્રનગર 8, બોટાદ 7, અરવલ્લી 6, સાબરકાંઠા 6, તાપી 6, પોરબંદર 5 અને ડાંગમાં 2 કેસ સામે આવ્યાં છે.

ગુજરાત કોરોના અપડેટ

જ્યારે 86 દર્દી વેન્ટિલેટર ઉપર રાખવામાં આવ્યાં છે. અત્યાર સુધી 2978 લોકોના મોત થયાં છે. જ્યારે અમદાવાદમાં રાજ્યમાં સૌથી વધું 31013 કેસ થયાં છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યાં છે. સુરત આજે એક દિવસ બાદ રાજ્યમાં ફરીથી પહેલા નંબરે કોરોના કેસમાં રહ્યું છે. સુરત મહાનગરપાલિકા વિસ્તારમાં 178 કેસ સામે આવ્યાં છે. જ્યારે ગ્રામ્ય વિસ્તારમાં 92 કેસ સામે આવ્યાં છે. 24 કલાકમાં સુરતમાં 270 સામે આવ્યાં છે. જોકે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યાં છે.

ગુજરાત કોરોના અપડેટ