ગાંધીનગરઃ પંચાયતથી લઇ પાર્લામેન્ટ સુધી ભ્રષ્ટાચાર સામાન્ય બાબત બની ગઈ છે. રોડ રસ્તાથી લઈને ગામના વિકાસ કામોમાં ટકાવારી સિવાય કામગીરી થતી નથી, તેવા સમયે ગાંધીનગર જિલ્લાના રૂપાલ ગામની ગ્રામ પંચાયતમાં લગાવવામાં આવેલા સીસીટીવી કેમેરામાં મોટાપાયે ગોલમાલ કરવામાં આવી છે. પંચાયત કચેરીમાં 8 સીસીટીવી કેમેરા લગાવવામાં આવ્યાં છે. જેનું બિલ 4,94,974 રૂપિયાનું બનાવવામાં આવ્યું છે આ બાબતે પંચાયતના વોર્ડ નંબર 6ના સદસ્ય નયનાબહેન ઠાકોર દ્વારા પણ રજૂઆત કરવામાં આવી છે.
રૂપાલમાં CCTV લગાવવામાં ભ્રષ્ટાચાર, જિલ્લા વિકાસ અધિકારીને કરાઈ લેખિત રજૂઆત ગામના નાગરિક મલકેશ પટેલે કહ્યું કે, ગામ પંચાયતના તલાટી સરપંચ કોન્ટ્રાક્ટર અને તેને પાસ કરનાર એન્જીનિયર તમામ લોકો દ્વારા આ બાબતે ભ્રષ્ટાચાર આચરવામાં આવ્યો છે. 8 કેમેરાનું બિલ અગાઉ અન્ય એક એજન્સી દ્વારા 81000નું એસ્ટીમેન્ટ આપવામાં આવ્યું હતું. તેની સામે ભ્રષ્ટાચાર કરવા માટે અન્ય એજન્સી પાસે કામ કરાવવામાં આવ્યું છે અને તેમને અંદાજીત પાંચ લાખ રૂપિયાનું બિલ ચૂકવવામાં આવ્યું છે. આ બાબતે જે ગાંધીનગર તાલુકા વિકાસ, અધિકારી જિલ્લા વિકાસ અધિકારી અને મુખ્યપ્રધાનને પણ રજૂઆત કરવામાં આવી છે.
રૂપાલમાં CCTV લગાવવામાં ભ્રષ્ટાચાર, જિલ્લા વિકાસ અધિકારીને કરાઈ લેખિત રજૂઆત આ બાબતે ગામના સરપંચ જશવંતભાઈ પરમાર સાથે વાત કરતાં જણાવ્યું હતું કે, તે આ બાબતે હું અજાણ છું. નિયમ મુજબ પ્રોસેસ કરવામાં આવી હતી અને કોન્ટ્રાક્ટર દ્વારા આ તમામ ઇન્સ્ટ્રુમેન્ટ લગાવવામાં આવ્યાં છે. કોરોના દરમિયાન આ કામગીરી કરવામાં આવી ત્યારે હું હાજર પણ ન હતો.
