- ગુજરાતમાં કોરોનાના નવા 1091 કેસ
- રાજ્યમાં કોરોનાનો કુલ આંકડો 1,59,726
- કોરોનાથી સાજા થનાર લોકો 1,233
- 24 કલાકમાં સારવાર લઈ રહેલા 9 દર્દીના મોત
ગાંધીનગર : રાજ્યમાં કોરોના વાઇરસના આંકડામાં સતત વધારો જોવા મળી રહ્યો છે. કોરોના વાઇરસ રોજ નવા વિક્રમ બનાવી રહ્યો છે. રાજ્યમાં કુલ આંકડો દોઢ લાખ પાર થઈ ગયો ગયો છે. ત્યારે 24 કલાકમાં નવા 1091 કેસ સામે આવ્યા છે. જ્યારે કોરોના કારણે છેલ્લા 24 કલાકમાં સારવાર લઈ રહેલા સૌથી વધુ 9 દર્દીનાં મોત થયા છે. રાજ્યમાં કોરનાના કુલ 1,59,726 પોઝિટિવ કેસ અત્યાર સુધીમાં નોંધાયા છે. જોકે, છેલ્લા 24 કલાકમાં રાજ્યમાંથી રવિવારે પોઝિટિવ કરતા ડિસ્ચાર્જનો આંકડો વધુ છે. કુલ 1233 દર્દીઓને રજા આપવામાં આવી હતી.
જિલ્લા મુજબ કોરોનાના કેસ
ગુજરાત કોરોના કેસમાં ખૂબ જ આગળ વધી રહ્યું છે. રાજ્યમાં છેલ્લા 24 કલાકમાં સુરત કોર્પોરેશન વિસ્તારમાં 173, અમદાવાદ કોર્પોરેશન 167, રાજકોટ કોર્પોરેશન 71, સુરત 66, વડોદરા કોર્પોરેશન 76, જામનગર કોર્પોરેશન 58, મહેસાણા 38, વડોદરા 43, રાજકોટ 36, ગાંધીનગર કોર્પોરેશન 27, જામનગર 26, સુરેન્દ્રનગર 21 સાબરકાંઠા 20, અમરેલી 19, ગાંધીનગર 19, જુનાગઢ 18, પાટણ 18, ભરૂચ 17, અમદાવાદ 16, બનાસકાંઠા 15, કચ્છ 15, જુનાગઢ કોર્પોરેશન 14, ભાવનગર કોર્પોરેશન 12, ગીર સોમનાથ 11, મોરબી 11, આણંદ 10, નર્મદા 10, પંચમહાલ 10, દાહોદ 9, દેવભૂમિ દ્વારકા 7, ખેડા 7, ભાવનગર 6, છોટાઉદેપુર 5, નવસારી 5, મહીસાગર 4, અરવલ્લી 3, વલસાડ 3, બોટાદ 2, તાપી 2 અને પોરબંદરમાં 1 કેસ સામે આવ્યો છે.
આ ઉપરાંત 74 દર્દી વેન્ટિલેટર ઉપર રાખવામાં આવ્યાં છે. અત્યાર સુધી 3638 લોકોના મોત થયાં છે. જ્યારે અમદાવાદમા રાજ્યમાં સૌથી વધું 40,210 કેસ થયાં છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યા છે. સુરત રવિવારે એક દિવસ બાદ રાજ્યમાં ફરીથી પહેલા નંબરે કોરોના કેસમાં રહ્યું છે. સુરત મહાનગરપાલિકા વિસ્તારમાં 173 કેસ સામે આવ્યા છે. જ્યારે ગ્રામ્ય વિસ્તારમાં 66 કેસ સામે આવ્યાં છે. 24 કલાકમાં સુરતમાં 239 સામે આવ્યાં છે. જોકે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યા છે.
