રાજ્યમાં કોરોનાના નવા 1311 પોઝિટિવ કેસ, 1414 ડિસ્ચાર્જ, 9 મોત, કુલ કેસની સંખ્યા 1,46,673

રાજ્યમાં છેલ્લા 24 કલાકમાં કોરોનાના નવા 1311 કેસ સામે આવ્યા છે. જ્યારે કોરોના વાઇરસના કારણે છેલ્લા 24 કલાકમાં સારવાર લઈ રહેલા વધુ 9 દર્દીનાં મોત થયા છે. આ સાથે જ પોઝિટિવ કેસની સંખ્યા 1,46,673 થઈ છે. જો કે, છેલ્લા 24 કલાકમાં રાજ્યમાં પોઝિટિવ કરતા ડિસ્ચાર્જનો આંકડો વધુ છે. 1414 દર્દીઓને આજે રજા આપવામાં આવી હતી.

ગાંધીનગરઃ ગુજરાત કોરોના વાઇરસના કેસમાં ખૂબ જ આગળ વધી રહ્યું છે. રાજ્યમાં છેલ્લા 24 કલાકમાં સુરત કોર્પોરેશન વિસ્તારમાં 181, અમદાવાદ કોર્પોરેશન- 173, રાજકોટ કોર્પોરેશન- 86, સુરત- 99, વડોદરા કોર્પોરેશન- 80, જામનગર કોર્પોરેશન- 65, મહેસાણા- 53, રાજકોટ- 48, વડોદરા- 43, અમરેલી- 33, બનાસકાંઠા- 33, જામનગર- 28, ગાંધીનગર કોર્પોરેશન- 27, કચ્છ- 27, પાટણ- 25, ગાંધીનગર- 24, ભાવનગર કોર્પોરેશન- 23, ભરૂચ- 21, જૂનાગઢ- 21, પંચમહાલ- 20, સાબરકાંઠા- 20, જૂનાગઢ કોર્પોરેશન- 18, અમદાવાદ- 15, મોરબી- 15, આણંદ- 14, નર્મદા- 14, નવસારી- 13, ગીર સોમનાથ- 12, તાપી- 12, સુરેન્દ્રનગર- 10, ખેડા- 9, મહિસાગર- 9, બોટાદ- 7, દાહોદ- 7, દેવભૂમિ દ્વારકા- 7, અરવલ્લી- 5, ભાવનગર- 4, પોરબંદર- 4, છોટાઉદેપુર- 3, વલસાડ- 2 અને ડાંગમાં 1 કેસ સામે આવ્યો છે.

રાજ્યમાં કોરોનાના નવા 1311 કેસ, 1414 ડિસ્ચાર્જ, 9 મોત, કુલ કેસ 1,46,673

આ ઉપરાંત 86 દર્દીઓને વેન્ટિલેટર ઉપર રાખવામાં આવ્યા છે. અત્યાર સુધી કોરોનાના કારણે 3531 લોકોના મોત થયાં છે. જ્યારે કોરોનાના કેસમાં 38,186ની સંખ્યા સાથે અમદાવાદ રાજ્યમાં મોખરે છે. રાજ્યમાં સૌથી વધુ કેસ 5 મહાનગરોમાં સામે આવી રહ્યા છે. સુરત આજે એક દિવસ બાદ રાજ્યમાં ફરીથી પહેલા નંબરે કોરોના કેસમાં રહ્યું છે. સુરત મહાનગરપાલિકા વિસ્તારમાં 181 કેસ સામે આવ્યા છે. જ્યારે ગ્રામ્ય વિસ્તારમાં 99 કેસ સામે આવ્યાં છે. 24 કલાકમાં સુરતમાં 280 સામે આવ્યા છે. જોકે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યા છે.