સતર્ક બનો: તૌકતે વાવાઝોડા પહેલા અને પછી રાખો આ તકેદારી

વાવાઝોડા પહેલાં વાવાઝોડા દરમિયાન અને વાવાઝોડા બાદ તકેદારીના કેવા પગલા લેવા તેની જાણકારી મેળવવાથી વધુ નુકસાન થતું અટકાવી શકાય છે. જેથી કેટલીક બાબતોને અનુસરવી જોઈએ.

• સમાચારો, ચેતવણીઓ સતત સાંભળતા રહો
• આ સમયે બહાર નીકળવાનું સાહસ કરવું નહીં
• બચાવ કામગીરી માટે બ્રિગેડ, પોલીસ તમામની મદદ લેવી

ગાંધીનગર: ગુજરાતમાં આવનારા સંભવિત તૌકતે વાવાઝોડાની સંભાવનાને ધ્યાને લેતા લોકોના જાનમાલની સલામતી અને સુરક્ષા માટે વાવાઝોડા પહેલાં, વાવાઝોડા દરમિયાન, અને વાવાઝોડા બાદ તકેદારી અને જાગૃત્તિ કેળવવાથી સુરક્ષિત રહી શકાય છે તેમજ જાનમાલનું નુકસાન થતું અટકાવી શકાય છે. વાવાઝોડાની સ્થિતિમા સૌ પ્રથમ વાવાઝોડા પહેલાની કેટલીક તૈયારીઓ કરવી આવશ્યક છે. સરકારે કેટલીક બાબતો વિશે ધ્યાને રાખવા માટે તકેદારીના પગલાંઓ સૂચવ્યા છે.

વાવાઝોડા પહેલાની આ તૈયારીઓ રાખો

• રહેઠાણની મજબૂતીની ખાતરી કરી લો અને બાંધકામને લગતી ક્ષતિઓ દૂર કરો.
• સમાચારો અને ચેતવણીઓ સતત સાંભળતા રહો.
• આપના રેડીયો સેટને ચાલું હાલતમાં રાખો, ચકાસી લો.
• સ્થાનિક અધિકારીઓના સતત સંપર્કમાં રહેવા પ્રયત્ન કરો.
• ઢોર-ઢાંખરને ખૂંટાથી છુટા કરી રાખો.
• માછીમારોએ દરિયામાં જવું નહીં, બોટ સલામત સ્થળે લાંગરવી.
• અગરિયાઓએ સલામત સ્થળે ખસી જવું.
• આશ્રય લઈ શકાય તેવા ઉંચા સ્થળો ધ્યાન રાખો.
• સુકો નાસ્તો, પાણી, ધાબળા, કપડાં અને પ્રાથમિક સારવારની કીટ સાથે રાખો.
• અગત્ય ટેલીફોન નંબર હાથવગા રાખો.
• આ પણ વાંચો: તૌકતે વાવાઝોડાને પગલે સૌરાષ્ટ્રમાં પડી શકે અતિભારે વરસાદ, લોકોને સાવચેત રહેવા કરાઇ અપીલ

વાવાઝોડા દરમિયાન તકેદારીના પગલા

• જર્જરીત મકાન કે વૃક્ષ નીચે આશ્રય ન લેવા માટે સમજ આપવી.
• રેડિયો પર સમાચાર સાંભળતા રહો અને સૂચનાઓનો અમલ કરો.
• વાવાઝોડા સમયે બહાર નીકળવાનું સાહસ કરવું નહીં.
• વાવાઝોડાના સમયે રેલ મુસાફરી કે દરિયાઇ મુસાફરી હિતાવહ નથી.
• વીજ પ્રવાહ તથા ગેસ કનેક્શન બંધ કરી દેવા સલાહ આપી આપવી.
• દરિયા નજીક, ઝાડ નીચે કે વીજળીના થાંભલા કે લાઈનો નજીક ઊભા રહેશો નહીં.
• વીજળીના થાંભલાથી દૂર રહેવા સલાહ આપવી.
• માછીમારોને દરિયામાં જતા રોકવા અને હોડીઓ સલામત સ્થળે રાખવી.
• ખોટી અથવા અધૂરી જાણકારી વાળી માહિતી અર્થાત અફવા ફેલાવતી અટકાવો, આધારભૂત સૂચનાઓને અનુસરો.

આ પણ વાંચો: તૌકતે વાવાઝોડું ગુજરાતમાં પ્રવેશતા જ બનશે ભયાનક, તંત્ર થયું એલર્ટ

વાવાઝોડા બાદ કરવાની કાર્યવાહી

• બચાવ કામગીરી માટે ફાયર બ્રિગેડ, પોલીસ મ્યુનિસિપાલિટી કંટ્રોલરૂમ તથા તમામ અધિકારીઓની મદદ લેવી.
• અસરગ્રસ્તોની મદદ કરવી બચાવ કરવો, સલામત સ્થળે લઈ જવા.
• જરૂર પડે તબીબી સારવાર તાત્કાલીક મળી રહે તેવી વ્યવસ્થા કરવી.
• ભારત સરકારશ્રીના હવામાન ખાતા તરફથી મળતી આગાહીઓ અને અનુસરવું તથા સતત સંપર્કમાં રહેવું.
• અસરગ્રસ્તોને જરૂરી મદદ ઉપલબ્ધ કરાવવી.