કચ્છના શખ્સને વેકસીન,સર્ટિફિકેટ ભાવનગરના શખ્સના મોબાઈલ નંબરથી મળ્યું : આરોગ્યપ્રધાનને રાવ કરી

ભાવનગરના આરટીઆઇ એક્ટિવિસ્ટ દીપેનભાઈ ઉપાધ્યાયના મોબાઈલ પર OTP આવ્યો અને કચ્છના શખ્સને વેકસીન મળી ગઈ અને સર્ટિફિકેટ પણ અપાઈ હોવાના દસ્તાવેજ આવી ગયાં છે.દીપેનભાઈએ કેન્દ્રીય મનસુખભાઇ માંડવિયાને ટ્વીટ કરીને કહ્યું છે કે ફર્જીવાડા બંધ કરાવો અને તપાસ કરાવો કારણ કે ઓનલાઈન પ્રક્રિયાની કામગીરી સિક્યોર નથી તે સાબિત થાય છે.

• કચ્છના શખ્સને વેકસીન અને સર્ટિફિકેટ મળ્યા અને મોબાઈલ નંબરધારક ભાવનગરનો
• મોબાઈલમાં OTP અને કોવિશિલ્ડ વેકસીન લીધાના ટેક્સ્ટ મેસેજ આવ્યાં
• દીપેનભાઈએ પોતાના મોબાઈલ નંબરના ગેરકાયદે ઉપયોગના પગલે ટ્વીટ કર્યું
• કેન્દ્રીય આરોગ્યપ્રધાન મનસુખ માંડવિયાને ટ્વીટ કરી કહ્યું ફર્જીવાડા બંધ કરાવો

ભાવનગરઃ ભાવનગરનો એક કિસ્સો સામે આવ્યો છે જેમાં સાબિત થાય છે કે સરકારના વેકસીનેશનમાં છીંડા છે. ભાવનગરના દીપેન ઉપધ્યાયના બે મોબાઈલ નંબરમાંથી એક બિઝનેસ મોબાઈલ નંબરમાં કચ્છના શખ્સને વેકસીન અપાઈ ગઈ અને સર્ટિફિકેટ પણ એનાયત કરી દેવામાં આવ્યું છે દીપેનભાઈએ કેન્દ્રીય આરોગ્યપ્રધાનને ટ્વીટ કર્યું છે અને માગ કરી છે કે તપાસ થવી જોઈએ. દીપેનભાઈના બિઝનેસ નંબર પર એક ટેક્સ્ટ મેસેજ આવ્યો જેમાં OTP આવ્યો અને બીજી બે ચાર મિનિટમાં બીજો મેસેજ આવ્યો કે તમને કોવિશિલ્ડ વેકસીન મળી ગઈ છે અને સર્ટિફિકેટ મેળવી શકો છો.દીપેનભાઈએ સર્ટિફિકેટ જોતા આ શખ્સ કચ્છના માધાપરનો હોવાનું જાણવા મળ્યું હતું. કચ્છના શખ્સને સર્ટિફિકેટ પણ મળી જતાં દીપેનભાઈ ગોલમાલ બાબતે ખુદ ચિંતામાં છે.

જે વ્યક્તિએ વેકસીનનો એક ડોઝ લઈ લીધો હોય એના જ બીજા નંબર પર બીજી વ્યક્તિને વેકસીન મળે ?

દીપેનભાઈએ મનસુખભાઈને ટ્વીટ કર્યું

દીપેનભાઈ પોતાના બીજા નમ્બરમાંથી રજિસ્ટ્રેશન કરાવીને વેકસીનનો એક ડોઝ લઇ ચુક્યાં છે. દીપેનભાઈએ આરોગ્ય વિભાગની વેકસીનની ગોટાળાવાળી સિસ્ટમનો વિરોધ કર્યો અને કેન્દ્રીય આરોગ્યપ્રધાન મનસુખભાઇ માંડવીયાને કર્યું છે કે આ ફર્જીવાડા બંધ કરાવો અને તપાસ કરાવો. આ બાબતે ભાવનગર મહાનગરપાલિકાના આરોગ્ય અધિકારી આર. કે. સિન્હા સાથે વાતચીત કરતા તેમણેે જણાવ્યું હતું કે " સર્ટિફિકેટ કચ્છના શખ્સને મળ્યું હોય તો અમારે કશું લાગેવળગે નહીં" જો કે ઘટનાની જાણ કરતાં અધિકારીએ વધુમાં કહ્યું હતું કે " OTP આવે તો બીજી વ્યક્તિને મળવાપાત્ર થાય જ નહીં. જેના મોબાઈલમાં OTP આવ્યો હશે એને જ આપ્યો હોય". તંત્ર પાસે OTP ના નામે છટકબારી જરૂર છે તે સાબિત થાય છે પણ હકીકત એવી પણ છે કે દીપેનભાઈએ OTP આપ્યો હોય તો કેન્દ્રીય આરોગ્યપ્રધાનના ટ્વીટર પર ટ્વીટ કરવાની હિંમત તેઓ દાખવે નહીં.

વેકસીનના આંકડા દેખાડવાની હોડ કે વેકસીનની કાળાબજારી તો નથી ને ?

દીપેનભાઈએ કેન્દ્રીય આરોગ્યપ્રધાનને કરેલા ટ્વીટમાં સ્પષ્ટ શબ્દોમાં લખ્યું છે કે તેમની સાથે આવી ઘટના ઘટી છે જેને લઈને તપાસ થાય અને આવા ફર્જીવાડા ના હોય. દીપેનભાઈએ શંકા વ્યક્ત કરી છે કે ક્યાંક વેકસીનના નામે કાળાબજારી તો નથી ચાલી રહીને. આ પહેલી ઘટના નથી. કારણ કે ભૂતકાળમાં પણ ભાવનગર ગ્રામ્યમાં આવા કિસ્સા સામે આવ્યા હતાં. હવે જે વ્યક્તિએ વેકસીનનો એક ડોઝ લઈ લીધો હોય એના જ બીજા નંબર પર બીજી વ્યક્તિને વેકસીન મળે ? શું OTP આપી દીધો હોય તો વેકસીન સેન્ટર પર વેરિફિકેશન નથી થતું ? શું વેકસીન આપતા પહેલા વેકસીન લેનારનો મોબાઈલ સામે હોય તો OTP રૂબરૂ વેકસીન સેન્ટર નથી ચકાસતું ? હવે માત્ર દીપેનભાઈના કિસ્સા બાદ સમગ્ર ગુજરાતના જિલ્લાઓમાં ક્યાંક ખોટું જરૂર થતું હોવાનું અનુમાન લગાવી શકાય છે.

આ પણ વાંચોઃ ગણેશ ઉત્સવ માથે પણ મૂર્તિકારને ખીચડીના પૈસા નથી રહ્યાં : કેમ બન્યાં બેહાલ વિઘ્નહર્તાના સર્જનહાર

આ પણ વાંચોઃ ભાવનગરના મહુવામાં પડ્યો ધોધમાર વરસાદ, માલણ નદી બે કાંઠે વહેતી થઈ