- ગુજરાત સ્થાપના દિવસે ભાવનગરમાં વેક્સિનેશનનો પ્રારંભ
- શહેરમાં બપોર સુધીમાં દરેક સેન્ટર પર 100થી વધુ યુવાનોએ વેક્સિન લીધી
- ભાવનગર મહાનગરપાલિકાએ 10 સેન્ટર પર વેક્સિનેશન
ભાવનગર: શહેરમાં મહાનગરપાલિકાએ 10 સ્થળો પર 1મેં ગુજરાત સ્થાપના દિવસે વેક્સિનેશનનો પ્રારંભ કર્યો છે. અગાઉથી રજીસ્ટ્રેશન કરાવનાર યુવાનોની લાઈનો વહેલી સવારથી જોવા મળી હતી. શહેરમાં બપોર સુધીમાં દરેક સેન્ટર પર 100થી વધુ યુવાનોએ વેક્સિન લીધી હતી.
આ પણ વાંચો: ભાવનગરમાં 18થી 44 વર્ષના લોકોનું કરાયું વેક્સિનેશન
શહેરના સેન્ટર્સ પર 100થી લઈને 150 જેટલા લોકોને વેક્સિન અપાઈ
ભાવનગર શહેરમાં 1 મે ગુજરાત સ્થાપના દિવસે શહેરમાં 10 સ્થળો પર વેક્સિનેશન પ્રારંભ કરવામાં આવ્યું છે. મહાનગરપાલિકા દ્વારા શનિવારે સવારના 9 વાગ્યેથી 18 વર્ષથી ઉપરના લોકો માટે વેક્સિનેશનનો પ્રારંભ કરવામાં આવ્યો છે. રજીસ્ટ્રેશન કરનાર દરેક 18 વર્ષ ઉપરના લોકો માટે વેક્સિન આપવાનું શરૂ કરવામાં આવ્યું હતું. વેક્સિનેશનને ખૂબ સારો પ્રતિસાદ જોવા મળી રહ્યો હતો. મતદાન હોય તેવી રીતે યુવાનો વહેલી સવારથી જ વેક્સિન માટે લાઈનોમાં લાગી ગયા હતા. બપોર થતાની સાથે શહેરના સેન્ટર્સ પર 100થી લઈને 150 જેટલા લોકોને વેક્સિન અપાઈ ચૂકી હતી. ભાવનગર મહાનગરપાલિકાએ 10 સેન્ટર પર વેક્સિનેશન શરૂ કર્યું હતું. ત્યારે, એક સેન્ટર પર 200 લોકોનું રજિસ્ટ્રેશન કરવામાં આવ્યું છે.
આ પણ વાંચો: ભાવનગર 10 સ્થળોએ 18 વર્ષ ઉપરના લોકોનું વેક્સિનેશન: યુવાનોમાં અનેરો ઉત્સાહ
ભાવનગરમાં 10 સ્થળે વેક્સિનેશન
- રુવા સુભાષનગર
- કુંભારવાડા સર્કલ
- મહાનગરપાલિકા ઝોન કચેરી,યાર્ડ
- ડોકટર હોલ
- સંત પ્રભારામ સિંધુનગર
- સરદાર પટેલ સ્મારક મંડળ, વિજયરાજનગર
- રોટરી કલબ
- શિવાજી સર્કલ
- કાળિયાબીડ અર્બન હેલ્થ સેન્ટર
- શાળાના નં 17,દિપક ચોક.
