- સીટી સિવિલ કોર્ટમાં અપાઈ શ્રદ્ધાંજલિ
- દરેકને માસ્ક પહેરવા પણ અપાઈ સૂચના
- હાઇકોર્ટના 3 જજના થયા મૃત્યુકોરોના કાળમાં મૃત્યુ પામેલા 6 જજ અને 39 વકીલોને અપાઇ શ્રદ્ધાંજલિ
અમદાવાદ: વૈશ્વિક કોરોના કાળમાં જીવ ગુમાનારાઓનો આંકડો ખૂબ મોટો છે, ત્યારે અમદાવાદમાં કોરોના કાળ દરમિયાન મૃત્યુ પામેલા 6 જજ અને 39 વકીલોને આજે ભદ્ર ખાતે આવેલી સીટી સિવિલ કોર્ટ ખાતે શ્રધ્ધાંજલી આપવામાં આવી હતી. ઉલ્લેખનીય છે કે, હજી નીચલી અદાલતમાં પ્રત્યક્ષ સુનવણીને શરૂ થયાને એક અઠવાડિયું જ થયું છે ત્યારે સૌ કોઈએ આ કાર્યક્રમમાં હાજર રહી શ્રદ્ધાંજલિ આપી હતી.
આ પણ વાંચો:સિવિલ જજની ભરતીમાં 10 ટકા EWS ક્વોટા લાગુ કરવાની માગ, હાઈકોર્ટમાં રિટ દાખલ કરાઈ
બાર એસોસિએશને કર્યુ હતું કાર્યક્રમનું આયોજન
મહત્વનું છે કે, 6 જજમાંથી 3 હાઇકોર્ટના જજીસ, જ્યારે એક એક્ટિંગ ચીફ જસ્ટિસ, એક સ્મોલ કોર્ટ જસ્ટિસ અને એક સીટી સિવિલ જજ હતા. આ કાર્યક્રમ અમદાવાદ બાર એસોસિયેશન અને સ્મોલ કોઝ કોર્ટ બાર એસોસિએશન તરફથી રાખવામાં આવ્યો હતો.
કાર્યક્રમ સમયે માસ્ક પહેરવા અપાઈ સૂચના
1 માર્ચથી નીચલી અદાલતમાં પ્રત્યક્ષ સુનવણી શરૂ કરવા નીચલી અદાલતોને મંજૂરી મળી છે ત્યારે નિર્દેશો પ્રમાણે માસ્ક ન પહેરનારા વકીલોને સોશિયલ ડિસ્ટન્સ જાળવવા માટે અને ફરજીયાત માસ્ક પહેરવા માટે પણ સૂચના અપાઈ હતી.
