હાઈકોર્ટે ઓગસ્ટ મહિનામાં 120 ચૂકાદા આપ્યાં

કોરોના મહામારીના લીધે ગુજરાત હાઇકોર્ટ વીડિયો કોન્ફરન્સિંગ સુનાવણી હાથ ધરવામાં આવી રહી છે ત્યારે હાઈકોર્ટે ઓગસ્ટ મહિનામાં કરેલી કામગીરીનો રિપોર્ટ રજૂ કર્યો હતો. જેમાં 120 ચૂકાદા અને 11 હજારથી વધુ ઓર્ડર આપ્યાં હોવાનું સામે આવ્યું છે.

અમદાવાદઃ ગુજરાત હાઈકોર્ટે ફીઝીકલ ફાઈલિંગ માટે પણ કાઉન્ટર વ્યવસ્થા ઉભી કરતા કેસોની સંખ્યામાં વધારો થયો છે. ઓગસ્ટ મહિનામાં કુલ 5764 નવા કેસ દાખલ કરવામાં આવ્યાં અને એ પૈકી 4803 કેસ રજિસ્ટર્ડ થયાં હતાં. 1091 કેસમાં વચગાળાના આદેશ આપવામાં આવ્યાં છે. આ આદેશ પૈકી 674 સિવિલ જ્યારે 417 ક્રિમિનલ મેટરમાં આપવામાં આવ્યાં છે.

હાઈકોર્ટે ઓગસ્ટ મહિનામાં 120 ચૂકાદા આપ્યાં

ગુજરાત હાઇકોર્ટ ઓગસ્ટ મહિનામાં 4થી ઓગસ્ટના રોજ સૌથી વધુ 30 ચૂકાદા આપ્યા હતાં. ઓગસ્ટ મહિનામાં 13 હજારથી વધુ કેસ લિસ્ટ કરવામાં આવ્યાં હતાં. આ તમામ કેસની વીડિયો કોન્ફરન્સિંગ મારફતે સુનાવણી હાથ ધરવામાં આવી હતી. ઓગસ્ટ મહિનાના કાર્યકાળના 21 દિવસમાં 57 ડિવિઝન બેન્ચ અને 395 સિંગલ બેન્ચ આદેશ આપ્યાં હતાં.