હવે સંતાનમાં બે દિકરીઓ ધરાવતા વૃદ્ધોને પણ મળશે પેન્શન!

અમદાવાદઃ સામાન્ય રીતે સંતાનમાં દિકરો ન ધરાવતા મા-બાપ હંમેશા ચિંતિત રહેતા હોય છે કે તેમનું ઘડપણ કેવી રીતે ગુજરશે? તેવા કિસ્સામાં હવે ગુજરાત સરકાર દ્વારા સંતાનમાં દિકરો ન હોય અને બે દિકરીઓ ધરાવતા હોય તેવા વૃદ્ધોને પેન્શન આપવાની યોજના અમલી કરાઈ છે. જેનો સંદેશ વૃદ્ધાશ્રમમાં રહેતા દિનેશ મિસ્ત્રીએ આપ્યો છે.

દિકરો ન હોય તે માતા-પિતાએ વૃદ્ધા અવસ્થામાં પોતાનું જીવન ગુજારવાની ચિંતા નહીં કરવી પડે. અમદાવાદના નારણપુરા ખાતે આવેલા વૃદ્ધાશ્રમમાં રહેતા દિનેશ મિસ્ત્રીએ આ અંગે સમાજને નામ સંદેશો આપ્યો છે.

ગુજરાત સરકાર દ્વારા ચાલતી એક યોજના મુજબ જે વૃદ્ધો સંતાનમાં પુત્ર ન ધરાવતાં હોય પરંતુ તેમને બે દિકરીઓ હોય તેમને સરકાર તરફથી 750 રૂપિયા પેન્શન સ્વરૂપે આપવામાં આવે છે. માસિક રીતે આપવામાં આવતા આ રૂપિયા વૃદ્ધોને જીવન પર્યત આપવામાં આવે છે. જેથી વધુમાં આ પ્રકારના વૃદ્ધો આ યોજનાનો લાભ લે તે માટે પ્રયાસ કરવામાં આવ્યો છે.

ETV BHARATના માધ્યમથી વૃદ્ધાશ્રમના દિનેશ મિસ્ત્રીએ આ સંદેશાને વધુમાં વધુ લોકો સુધી પહોંચાડવા માંગ કરી છે. ત્યારે ETV BHARAT પણ આ યોજના એવાં તમામ જરૂરિયાત મંદ વૃદ્ધો સુધી પહોંચાડવા અને જાગૃતતા માટે પ્રયાસ કરવામાં આવ્યો છે.