અમદાવાદ: કેન્દ્ર સરકારે દ્વારા પદ્મ પુરસ્કારની જાહેરાત (Padma Shri Award 2022) કરવામાં આવી છે. ગુજરાતના 7 લોકોની પસંદગી કરવામાં આવી છે. જેમાં, જયંતકુમાર વ્યાસને ફોરેન્સિક સાયન્સમાં ઉત્તમ કામગીરી બદલ પુરસ્કાર એનાયત કરવામાં આવશે.
જે.એમ વ્યાસને અનેક મેડલો દ્વારા સન્માનિત કરવામાં આવ્યા
આ ઉપરાંત રેલવેમાં પણ ટાસ્ક ફોર્સમાં મેમ્બર રહી ચૂક્યા છે. ત્યારે જે.એમ વ્યાસને અનેક મેડલો દ્વારા સન્માનિત કરવામાં આવ્યા છે. જેમાં ઇન્ટરનેશનલ ફોરેન્સિક સાયન્ટીસ્ટ, લાઈફટાઈમ એચિવમેન્ટ, ભારત માતા જેવા વિવિધ એવોર્ડ પણ પ્રાપ્ત કર્યા છે.
આ પણ વાંચો: ગુજરાતને ફાળે 1 પદ્મ ભૂષણ અને 7 પદ્મ શ્રી, પદ્મ પુરસ્કાર અને વીરતા પદક-2020ની જાહેરાત
જયંતકુમાર મગનલાલ વ્યાસે 27 વર્ષ ફોરેન્સિક સાયન્સ લેબોરેટરીમાં સેવા આપી
જયંતકુમાર મગનલાલ વ્યાસે 2009થી 2020 સુધી ફોરેન્સિક સાયન્સમાં ડાયરેકટરના પદ અને ફોરેન્સિક સાયન્સ યુનિવર્સિટીમાં વાઇસ ચાન્સેલર જેવા વિવિધ પદો પર સેવા આપી છે. જ્યારે જે.એમ.વ્યાસે 47 વર્ષથી સાયન્સ ક્ષેત્રે પોતાનું યોગદાન આપ્યું છે. ત્યારે 27 વર્ષ તેમને ફોરેન્સિક સાયન્સ લેબોરેટરીમાં પોતાની સેવા આપી છે.
ગુજરાતના સ્વામિ સચ્ચિદાનંદને પદ્મભૂષણથી સન્માનિત કરવામાં આવશે
ગુજરાતના જયંતકુમાર વ્યાસ સહિત સ્વામી સચ્ચિદાનંદજી, ડો. લતા દેસાઇ, ખલીલ ધનતેજવી, માલજી દેસાઇ, સવજી ધોળકિયા, રમીલા ગામીતની પદ્મશ્રી પુરસ્કાર માટે પસંદગી થઈ છે.
107 લોકોને પદ્મશ્રીથી સન્માનિત કરવામાં આવશે
કેન્દ્ર સરકારે જે યાદી જાહેર કરી છે તેમાં વિભિન્ન ક્ષેત્રમાં ઉલ્લેખનિય કાર્ય માટે 128 લોકોને સન્માનિત કરવાની જાહેરાત કરવામાં આવી છે. જેમાં 4 લોકોને પદ્મવિભૂષણ (Padma Vibhuushan Award 2022), 17 લોકને પદ્મભૂષણ (Padma Bhushan Award 2022) અને 107 લોકોને પદ્મશ્રીથી (Padma Shri Award 2022) સન્માનિત કરવામાં આવશે.
આ પણ વાંચો: પાંચ ગુજરાતીઓને પદ્મ પુરસ્કાર એનાયત કરાયા, જાણો તેમના વિશે...
મહાનુભાવોને રાષ્ટ્રપતિ રામનાથ કોવિંદ દ્વારા સન્માનવામાં આવશે
આજે બુધવારે પદ્મ વિભૂષણ અને પદ્મ ભૂષણ દ્વારા અનેક મહાનુભાવોને રાષ્ટ્રપતિ રામનાથ કોવિંદ દ્વારા સન્માનવામાં આવશે
