અમદાવાદ: કાપડ ઉપર 5 ટકાને બદલે 12 ટકા GST (GST On Textile Industry) લાગુ કરવાના નિર્ણયને લઈને વિરોધના સૂર ઊઠી રહ્યા છે. અમદાવાદના મસ્કતી કાપડ માર્કેટ મહાજન (ahmedabad maskati kapad market), સિંધી માર્કેટ કાપડ મહાજન (sindhi kapad market ahmedabad), નુતન ક્લોથ માર્કેટ એસોસિએશન (nutan cloth market association ahmedabad), VIP માર્કેટ, કર્ણાવતી માર્કેટ (karnavati market ahmedabad) જેવા અન્ય કાપડના બજારોએ પણ GST દરના વધારા સામે બંધનું એલાન કર્યું છે. આ સાથે જ 30 ડિસેમ્બરના રોજ કાપડના હોલસેલ, સેમિ હોલસેલ ગાર્મેન્ટ અને રિટેલર્સ સમગ્ર કાપડ બજાર ર (textile market in gujarat) બંધ રહેશે તેવી ચીમકી ઉચ્ચારી છે. શહેરમાં કાપડના જુદા જુદા હોલસેલર રિટેલર વેપારીઓ દુકાન બહાર બંધના પોસ્ટર લગાવી વિરોધ કરી રહ્યા છે.
શું કહે છે મહાજનના પ્રેસિડેન્ટ?
મસ્કતી કાપડ માર્કેટ મહાજનના પ્રેસિડેન્ટ ગૌરાંગ ભગતે ETV ભારતને જણાવ્યું હતું કે, અગાઉ GST પહેલા કાપડ ઉપર ટેક્સ લાગતો નહતો, પરંતુ GST આવ્યા બાદ 5 ટકાનો ટેક્સ લાદવામાં આવ્યો. છતાં વેપારીઓ તેની સાથે એડજસ્ટ કરી રહ્યા હતા. હવે 12 ટકા GSTનો નિર્ણય લેવામાં આવ્યો છે. આ નિર્ણય સામે અમારી સરકાર પાસે માંગણી છે કે, 12 ટકા GSTનો નિર્ણય રદ કરવામાં આવે.
સૂત્રોચાર સાથે કરવામાં આવશે વધારો
બીજી તરફ ભાજપના પ્રદેશ પ્રમુખ સી.આર.પાટીલે (CR patil gst about gst on textile) પણ CMને આ માટે પત્ર લખ્યો છે. જો કે આજે સાંજે અમે સૂત્રોચાર વગર GST વધારાના નિર્ણય સામે વિરોધ કરીશું. આવતીકાલે પણ હોલસેલ, રિટેલરના બજાર સહિત તમામ લોકોએ બંધનું એલાન કર્યું છે.
અંદાજીત 5 લાખ કરતા વધુ વેપારીઓ બંધમાં જોડાશે
વધુ માહિતી આપતા ગૌરાંગ ભગતે જણાવ્યું હતું કે, આવતીકાલના બંધમાં અંદાજિત 5 લાખ વેપારીઓ જોડાય તેવી શક્યતાઓ છે. ઇન્દોર, દિલ્હી, મુંબઇ અને સુરત જેવા શહેરોમાં પણ કાપડ બજાર બંધ રહેશે. કાપડ ઉદ્યોગમાં સામાન્ય રીતે વેચાણના 8 મહિના પછી પૈસા મળતા હોય છે. એવામાં GSTનો મારો 5 ટકાથી વધીને 12 ટકા થઇ જશે તો ચૂકવણીમાં ભારણ પણ એટલું જ વધશે.
આ પણ વાંચો: Good News for Tax Payers: હવે ITR વેરિફિકેશન ફેબ્રુઆરી સુધી કરી શકાશે, IT વિભાગે તારીખ લંબાવી
આ પણ વાંચો: Important Health Policies: ટોપ અપ આરોગ્ય વીમા યોજનાઓ અંગે જાણો, તમને કઈ રીતે થશે ઉપયોગી
