GMDCની ધન્વંતરિ હોસ્પિટલ ખાતે ફર્સ્ટ રિસ્પોન્સ ટીમ કાર્યરત કરાઈ

અમદાવાદના GMDC ગ્રાઉન્ડ ખાતે શરૂ કરવામાં આવેલી 900 બેડની ધન્વંતરિ કોવિડ હોસ્પિટલ શરૂ થયાના બીજા દિવસથી જ વિવાદોમાં સપડાયેલી છે. સૌપ્રથમ 108માં આવનારા દર્દીઓને જ દાખલ કરવાના નિર્ણય બાદ ટોકન સિસ્ટમ શરૂ કરવામાં આવી હતી. જોકે, હવે દર્દીઓને હાલાકી ન ભોગવવી પડે તે માટે તંત્ર દ્વારા એક ફર્સ્ટ રિસ્પોન્સ ટીમ કાર્યરત કરવામાં આવી છે. આ ટીમ દ્વારા ગંભીર દર્દીઓની તપાસ કરીને સીધા જ દાખલ કરવામાં આવશે.

• ધન્વંતરિ કોવિડ હોસ્પિટલમાં શરૂ કરાઈ ફર્સ્ટ રિસ્પોન્સ ટીમ
• ટીમ દ્વારા ગંભીર દર્દીઓની તપાસ કરીને સારવાર માટે મોકલાશે
• ગંભીર દર્દીઓને કોઈ પણ વાહનમાં પ્રવેશ આપવામાં આવશે

અમદાવાદ: ગુજરાત સરકાર અને DRDOના સંયુક્ત ઉપક્રમે ગુજરાત યુનિવર્સિટી કન્વેન્શન સેન્ટર ખાતે શરૂ કરવામાં આવેલી ધન્વંતરિ કોવિડ હોસ્પિટલમાં દર્દીઓની સારવાર સારી રીતે થઈ શકે તે માટે તંત્ર દ્વારા મોડેથી સવલત ઉભી કરાઈ છે. દર્દીઓ માટે ટોકન સિસ્ટમ લાગુ કરાયા બાદ હવે એક ફર્સ્ટ રિસ્પોન્સ ટીમ કાર્યરત કરાઈ છે. આ ટીમ દ્વારા ગંભીર દર્દીઓની તપાસ કરીને તેમને સીધા જ સારવાર માટે દાખલ કરવામાં આવશે.