- ગુજરાત હાઈકોર્ટનું આકરું વલણ
- બનાસકાંઠા પોલીસ બેડામાં ફફડાટ
- બેદરકારી-મિસ કન્ડક્ટને લઇ કોર્ટે જિલ્લા પોલીસ વડા સહિત PI, SP,ને ઝપટે લીધાં
અમદાવાદઃ ધાનેરા PI, બનાસકાંઠાના SP અને જિલ્લા પોલીસ વડાની સામે હાઇકોર્ટે (High Court) નારાજ થઈ દુષ્પ્રેરણા કે હત્યાનો ગુનો બન્યો હોવા અંગેની એફ.આઈ.આર (FIR) ન નોંધવા બદલ તપાસનો આદેશ કર્યો છે. હાઈકોર્ટે આ કેસની તપાસ સી.આઇ.ડી ક્રાઇમને સોંપી છે.
શું છે સમગ્ર મામલો
એડવોકેટ અંકિત બચાણીએ જણાવ્યું હતું કે વર્ષ 2020માં ધાનેરાના યુવક-યુવતીએ પ્રેમલગ્ન કરતાં પરિવારજનોએ તેમને રાજસ્થાનથી પકડી લાવી તેમની મરજી વિના છૂટાં કરાવ્યાં હતાં. યુગલને છૂટાં કરાવ્યા બાદ ગણતરીના દિવસોમાં યુવકને કોઈ વ્યક્તિ બોલાવે છે તેમ કહી કારમાં બેસાડી લઈ જવામાં આવ્યો. આ બાદ ત્રણ દિવસ પછી તે યુવકની લાશ ઝાડ ઉપર લટકેલી હાલતમાં મળી આવી હતી. જેની સામે પોલીસે એક્સિડેન્ટલ ડેથ જાહેર કરી મામલો પૂર્ણ કર્યો હતો.
એફઆઈઆર નોંધાવવા પ્રયત્નો નિષ્ફળ જતાં હાઈકોર્ટમાં ગયો મામલો
યુવકના કાકાએ દુષ્પ્રેરણા કે હત્યાની આશંકા વ્યક્ત કરી હતી. ઉલ્લેખનીય છે કે યુવકના કાકાએ મૃતકના શરીર પર ઘાના નિશાન અને ચાઠાંના નિશાન નોંધતા પોલીસ પાસે દુષ્પ્રેરણા કે હત્યાનો ગુનો બન્યો હોવા અંગેની એફઆઈઆર (FIR) નોંધાવવા પ્રયત્નો કર્યાં હતાં. પરંતુ પોલીસે એફઆઈઆર ન નોંધતા મામલો હાઇકોર્ટમાં (High Court) પહોંચ્યો હતો. કોર્ટે પ્રેમલગ્ન કરેલા યુગલમાં યુવકની લાશ ગામના ઝાડ પર મળી આવ્યા બાદ પણ તપાસમાં ઢીલ રાખવા બદલ આકરુ વલણ અપનાવ્યું હતું. આજે કોર્ટે પોલીસ અધિકારીઓ સામે ફરજમાં બેદરકારી અને ગ્રોસ મિસકન્ડકટ બદલ કાર્યવાહી કરવા હુકમ કર્યો હતો. વધુમાં કોર્ટે આ કેસની તપાસ સીઆઇડી ક્રાઇમને સોંપી છે.
આ પણ વાંચોઃ ધાનેરામાં પ્રેમ લગ્ન કરનાર યુવક પર હુમલો, પ્રેમિકાના પિતા સહિત 6 લોકો સામે ફરિયાદ
આ પણ વાંચોઃ ધાનેરા પંથકમાં આશાસ્પદ યુવકનો નગ્ન હાલતમાં મૃતદેહ મળી આવતાં ચકચાર
