- ગુજરાતમાં ડીઝલનો ભાવ-86.84 રૂપિયા પ્રતિ લીટર
- ગુજરાત રાજ્ય માર્ગ પરિવહન નિગમની તમામ બસો દોડે છે ડીઝલથી
- 5,047 બસ અત્યારે દોડી રહી છે
- ST નિગમને મળે છે પૂરુ ડીઝલ
અમદાવાદ: ગુજરાત રાજ્ય માર્ગ પરિવહન નિગમની તમામ બસો ડીઝલ ઉપર ચાલી રહી છે. જોકે ગુજરાત સરકારે નક્કી કરેલા સ્ટેશન ઉપરથી આ બસોમાં ડીઝલ પુરાતું હોય છે. તેનો રેકોર્ડ રાખવામાં આવે છે અને ઈંધણને લઈને પૂરતા બજેટની ફાળવણી પણ કરવામાં આવી છે. જેને લઇને ગુજરાત રાજ્ય માર્ગ પરિવહન નિગમના વધતા ડીઝલના ભાવને લઇને ખર્ચમાં જરૂર વધારો થઈ રહ્યો છે પરંતુ તેમ છતાં મોટી મુશ્કેલીઓનો સામનો કરવો પડતો નથી. ડીઝલના ભાવને લઈને કર્મચારીઓના પગાર ઉપર કોઈપણ પ્રકારની અસર થઇ નથી.
આ પણ વાંચો: કોરોના કાળમાં ગુજરાત રાજ્ય ST નિગમની આવકમાં ઘટાડો
મહારાષ્ટ્ર અને ગુજરાત વચ્ચે ચાલતી બસોના 117 શિડ્યુલ રદ્ કરવામાં આવ્યાં
ST નિગમના દૈનિક 6,300 શિડ્યુલમાંથી 5,047 શિડ્યુલ જ ચાલી રહ્યા છે. ST નિગમની આવક રૂપિયા 5.75 કરોડથી ઘટીને રૂપિયા 2.88 કરોડ સુધી પહોંચી છે. મહારાષ્ટ્રમાં પ્રવર્તી રહેલી કોરોનાની ગંભીર પરિસ્થિતિને ધ્યાનમાં રાખીને મહારાષ્ટ્ર અને ગુજરાત વચ્ચે ચાલતી બસોના 117 શિડ્યુલ રદ્ કરવામાં આવ્યાં છે. આ ઉપરાંત મધ્યપ્રદેશના 29 શિડ્યુલ રદ્ કરવામાં આવ્યાં છે તેમજ રાજસ્થાનમાં 50 ટકાના દરે અત્યારે શિડ્યુલ ચાલી રહ્યા છે.
આ પણ વાંચો: કોરોનાની અસર: ST બસ સ્ટેન્ડ પર પ્રવાસીઓની સંખ્યામાં નોંધપાત્ર ઘટાડો
આવકમાં ઘટ થતા નિગમને નુકશાન
ડીઝલને કારણોસર કોઈ બસ રસ્તામાં ઊભી રહી હોય તેઓ બનાવ બન્યો નથી. સરકારે નક્કી કરેલા ડીઝલ સ્ટેશનો પરથી દરેક બસને પૂરતો ડીઝલનો જથ્થો મળી રહે છે પરંતુ વર્તમાનમાં ST નિગમમાં કોરોનાને લઈને ઓછી ટ્રીપના લીધે ડીઝલનો વપરાશ ઘટ્યો છે. ઓછા પેસેન્જર, સોશિયલ ડિસ્ટન્સના નિયમોને લઈને ST નિગમની રેવન્યુ આવક ઘટી છે.
નિગમમાં નવી ઇલેટ્રિક બસો આવશે
CNG બસો લાંબા અંતરના પ્રવાસ માટે યોગ્ય નથી. બીજી તરફ અમદાવાદ મ્યુનિસિપલ કોર્પોરેશન દ્વારા BRTSમાં ઇલેટ્રોનિક બસો દોડાવવાની શરૂ કરી દેવામાં આવી છે. ત્યારે રાજ્ય સરકારે થોડા સમય અગાઉ ST નિગમમાં પણ ઈલેક્ટ્રિક બસો દોડશે તેવો નિર્ણય કર્યો છે. તેને લઈને ઈલેક્ટ્રિક બસો બનાવવાની શરૂઆત કરી દેવાઈ છે અને સાથે-સાથે ચાર્જિંગ પોઇન્ટ્સ પણ ઉભા કરવામાં આવી રહ્યા છે. જેનું મુખ્ય કારણ ખર્ચમાં ઘટાડો અને પર્યાવરણનું રક્ષણ છે.
