અમદાવાદઃ શહેરમાં કુલ 220 માઇક્રો કન્ટેનમેન્ટ વિસ્તાર થઈ ગયા છે. સોમવારના રોજના 211 વિસ્તારમાંથી મંગળવારના 12 વિસ્તારને માઈક્રો કન્ટેનમેન્ટ ઝોનમાંથી મુક્ત કરવામાં આવ્યા છે. જ્યારે 21 નવા ઝોન ઉમેરવામાં આવ્યા છે. 21 નવા માઇક્રો કન્ટેનમેન્ટ વિસ્તારમાં સાઉથ ઝોનના 8 વિસ્તાર, ઇસ્ટ ઝોનના 3 વિસ્તાર, નોર્થ-વેસ્ટ ઝોનના 5 વિસ્તાર, સાઉથ-વેસ્ટ ઝોનના 1 વિસ્તાર અને વેસ્ટ ઝોનના 4 વિસ્તારનો સમાવેશ થાય છે.
શહેરના 12 વિસ્તારને માઇક્રો કન્ટેનમેન્ટ ઝોનમાંથી મુક્ત કરવામાં આવ્યાં છે. જેમાં સાઉથ ઝોનના 3 વિસ્તાર, વેસ્ટ ઝોનના 6 વિસ્તાર, નોર્થ-વેસ્ટ ઝોનમાંથી 3 વિસ્તારને કન્ટેનમેન્ટ ઝોનમાંથી મુક્ત કરવામાં આવ્યાં છે.
