ગુજરાતના નાગરિકો આર્થિક તંગી તરફ ધકેલાઈ રહ્યાં હોવાનો કોંગ્રેસનો આક્ષેપ

ગુજરાત કોંગ્રેસ દ્વારા ફરી એક વાર ભાજપ પર આકરા પ્રહાર કરવામાં આવ્યા છે. ગુજરાતના નાગરિકો આર્થિક તંગી તરફ ધકેલાઈ રહ્યાં હોવાનો આક્ષેપ કરવામાં આવ્યો છે. લૉક ડાઉન બાદ સામાન્ય નાગરિક PF ઉપાડવા પણ મજબૂર થયાં છે.

અમદાવાદઃ કોંગ્રેસ પક્ષના મુખ્ય પ્રવક્તા ડૉ મનીષ દોશીએ જણાવ્યું છે કે દેશ અને ગુજરાતના નાગરિકોની આર્થિક પરેશાની અંગે ભાજપ સરકાર પર પ્રહાર કર્યા છે. તેમને કહ્યું કે માત્ર ગુજરાતમાં 25 માર્ચ 2020થી 31 ઓગસ્ટ 2020 સુધીમાં 2115.17 કરોડ રૂપિયા PFમાંથી ઉપાડ્યા છે. આર્થિક મંદી, મોંઘવારી અને કોરોનાની મહામારીના કારણકે નાગરિકોએ પાંચ મહિનામાં 39402 કરોડ રૂપિયા પ્રોવિડન્ટ ફંડમાંથી ઉપાડવા મજબૂર બન્યાં છે.

ગુજરાતના નાગરિકો આર્થિક તંગી તરફ ધકેલાઈ રહ્યાં હોવાનો કોંગ્રેસનો આક્ષેપ

ગુજરાતમાંથી હજારો નાગરિકો PF એકાઉન્ટમાંથી નાણાં ઉપાડવા મજબૂર બન્યાં જે સ્પષ્ટ થઈ રહ્યું છે. બેકાબૂ મોંઘવારી અને ભાજપ સરકારનું અણઘડ આયોજન, આર્થિક મોરચે સદંતર નિષ્ફળ ગયું છે. દેશમાં દર ચોથા વ્યક્તિમાંથી એક વ્યક્તિ નોકરી ગુમાવી રહ્યાં છે. કોરોના મહામારીમાં 1.20 કરોડ નાગરિકોએ રોજગારી ગુમાવી ચૂક્યાં છે.

તેમને વધુ માં જણાવ્યું કે દેશમાં અને ગુજરાતમાં અનેક કંપનીઓ કર્મચારીઓને સતત છૂટાં કરી રહ્યાંં છે. જ્યારે કેટલીક કંપનીઓ તેમનો કર્મચારીઓનો પગાર 20 થી 35 ટકાનો કાપ મૂકી રહ્યાં છે. જેને મહત્વનો ખુલાસો લોકસભામાં આપેલ માહિતીમાં થયો હોવાનો આક્ષેપ કોંગ્રેસે કર્યો છે.