- અમદાવાદ શહેર-ગ્રામ્યમાં ધનવંતરી રથનો લાભ અપાયો
- ક્વોરન્ટાઈન સેન્ટરમાં 38,473 આયુર્વેદીક દવા આપવામાં આવી
- શહેરની સરકારી હોસ્પિટલોમાં 46 હજારથી વધુ દર્દીઓએ આયુષ દવાનો લાભ લીધો
અમદાવાદ: એક વર્ષ પહેલા કોરોના શું છે તેનો પણ કોઈને ખ્યાલ નહોતો. વિશ્વને હચમચાવી નાખનાર કોરોના વાયરસની શરૂઆત ગુજરાતમાં 19 માર્ચના રોજ થઈ હતી જેને એક વર્ષ પૂરું થયું છે. અમદાવાદ જિલ્લામાં એક વર્ષમાં બે કરોડથી વધુ ઉકાળા અપાયા છે. આયુષ વિભાગ, આરોગ્ય વિભાગ, જિલ્લા વિકાસ અધિકારી દ્વારા યોગ્ય કામગિરી કરવામાં આવી હતી. અમદાવાદ શહેર-ગ્રામ્યમાં ધનવંતરી રથનો 13 લાખથી વધુ લાભાર્થીને લાભ મળ્યો છે. શહેરની સરકારી હોસ્પિટલોમાં 46 હજારથી વધુએ આયુષ દવાનો લાભ લીધો છે.
25 સરકારી આયુર્વેદિક હોસ્પિટલ તેમજ 5 સરકારી આયુર્વેદિક હોસ્પિટલ
કોરોના સામે લોકોની રોગપ્રતિકારક શક્તિ વધે તે હેતુથી 25 સરકારી આયુર્વેદીક હોસ્પિટલ તેમજ 5 સરકારી આયુર્વેદિક હોસ્પિટલ દ્વારા અને જિલ્લા વહીવટી તંત્ર અને સ્વૈચ્છિક સંસ્થા તરફથી ઉકાળા અને આયુર્વેદિક દવાઓનું વિતરણ કરવામાં આવ્યું હતું. જેમાં 2 કરોડથી વધુ ઉકાળાના ડોઝ અને દવાઓનું વિતરણ અમદાવાદ શહેર અને જિલ્લામાં કરાયું.
આ પણ વાંચો : અમદાવાદમાં કોરોના વેક્સિનેશનની ડ્રાય રન યોજાઈ
હોમિયોપેથી દવાઓના 82 લાખથી વધુ ડોઝ અપાયા
સરકારી હોસ્પિટલોમાં આર્સેનિક આલ્બ હોમિયોપેથી દવાઓના 82 લાખથી વધુ ડોઝનું વિતરણ કરવામાં આવ્યું હતું. 13 લાખ લોકોને જે ધનવંતરી રથનો લાભ મળ્યો, કોરોનામાં જેઓ હોમક્વોરન્ટાઈન હતા તેમજ અન્ય ક્વોરન્ટાઈન સેન્ટરો હતા તેમને 38,473 જેટલી આયુર્વેદિક દવાઓ અને 23,473 જેટલી હોમિયોપેથી દવાઓનુ વિતરણ કરાયું હતું.
આ પણ વાંચો : અમદાવાદના કિશોરનું અનોખું અભિયાનઃ લોકડાઉન પહેલાંથી માસ્કનું વિતરણ, 8 મહિનામાં 30,000 માસ્ક વહેંચ્યાં
1,70,000 જેટલી આયુષ ઔષધીયુક્ત આરોગ્યની કિટ વિતરણ કરાઈ
સિવિલ હોસ્પિટલની 1,200 બેડ હોસ્પિટલ, સોલા સિવિલ, SVP અને અન્ય હોસ્પિટલો સહિત 46 હજારથી વધુ લોકોએ આયુષ દવાઓનો લાભ લીધો હતો. આ ઉપરાંત 1,70,000 જેટલી આયુષ ઔષધીયુક્ત આરોગ્યની કિટનું વિતરણ જિલ્લા પંચાયત અમદાવાદ દ્વારા પોતાના ભંડોળમાંથી કરવામાં આવ્યું હતુ.
