હવે આવી કોક્રોચ હૈદરાબાદી બીરીયાની, ફરી એક હોટલના ફૂડમાંથી નિકળ્યો વંદો

અમદાવાદ: રાજ્યની હોટલોમાંથી જીવડા નિકળવાનો સિલસિલો યથાવત છે. શહેરની એક પ્રખ્યાત રેસ્ટોરન્ટના ભોજનમાંથી જીવડું મળી આવવાની ઘટનામાં વધારો થયો છે. શહેરના ઓઢવ રિંગ રોડ પર આવેલી હોટલ ધ ગ્રાન્ડ વિનાયક (TGV)ની હૈદરાબાદી બિરયાનીમાંથી વંદો નિકળ્યાની ઘટના એક ગ્રાહક સાથે બની હતી. આ મામલે ગ્રાહક પંકજ મકવાણાએ ફેસબુકમાં ફોટો અને વીડિયો વાયરલ કર્યા હતા.

ગ્રાહકે પોસ્ટ કરી લખ્યું કે, "કોક્રોચ (જીવડું)ની સાથે વેજ હૈદરાબાદી બિરયાની ખાવી હોય તો આવો હોટલ TGV (ધ ગ્રાન્ડ વિનાયક)માં. ઓઢવ રિંગ સર્કલની પાસે બિરયાની ખાવા ગયા તો ત્યાં કોક્રોચ સાથે બિરયાની પીરસવામાં આવી. આ તમામ હકીકતની અમે હોટલના મેનેજરને જાણ કરતા તેમણે ઉડાઉ જવાબ આપી લુલો બચાવ કર્યો હતો."