અમદાવાદ:શહેરના દાણીલીમડા, કાલુપુર, જમાલપુર, બહેરામપુરા સહિતના વિસ્તારોમાં લૉક ડાઉન દરમિયાન બહાર નીકળતાં લોકોને સમજાવવા માટે કાગડાપીઠ પોલીસ સ્ટેશનના PSI પી.કે. ગોહિલે લોકોને જણાવ્યું કે રમઝનના પવિત્ર મહિનામાં ઈબાદત કરી અલ્લાહ પાસેથી કોરોનામાંથી મુક્તિ મળે તેવી દુઆ માગવા આપીલ કરી હતી. નોંધનીય છે કે ત્યાં ઉભેલા લોકોએ પ્રતિકારમાં 'અમીન' કહ્યું હતું. એટલું જ નહિ તેમણે લોકોને સ્થિતિને ધ્યાનમાં રાખીને મસ્જિદમાં નહિ પરંતુ ઘરમાં જ ઈબાદત કરવા અપીલ કરી હતી. ઈફતારી અને સહેરીના સમયે પણ લોકો એકત્ર ન થાય તેની ખાસ કાળજી રાખવા વિનંતી કરી હતી.
રમઝાનમાં સોશિઅલ ડિસ્ટનસિંગનું પાલન કરી કોરોનાને માત આપો, ઇદે તમારા ઘરે 'શીરખુરમો' ખાવા આવીશ". બહેરામપુરામાં કોરોનાનું એપી સેન્ટર બનેલી જેઠાલાલની ચાલી પાસે લોકોને સંબોધતા પી.કે. ગોહિલે વધુમાં જણાવ્યું કે મને આવી રીતે તેમને બોલવાનું સારું લાગતું નથી. એવું નથી કે માત્ર રમઝાનને લઈને આ વાત કરી રહ્યો છું પરંતુ વર્તમાન પરિસ્થિતિને ધ્યાનમાં રાખીને અન્ય ધર્મોના તહેવારોની પણ ઉજવણી કે જેમાં ભીડ ભેગી થાય તેની પરવાનગી આપવામાં આવતી નથી. સૌથી પહેલાં આપણે ભારતીયો છીએ અને આપણી પ્રાથમિકતા કોરોનાને માત આપવાની છે.
લોકો લૉક ડાઉન અને સામાજિક અંતરના નિયમોનું પાલન કરશે તો રમઝાનના મહિનામાં અલ્લાહના કરમથી આ રોગ નષ્ટ થઈ જશે. રમઝાનમાં ઈબાદત અને નિયમોનું પાલન કરાશે તો ઈદ સુધીમાં કોરોના નષ્ટ થઈ જશે અને તેની ખુશીમાં તમારા ઘરે શીરખુરમો ખાવવા આવીશ. ઉલ્લેખનીય છે કે રાજ્યમાં પાછલા બે સપ્તાહમાં કોરોના પોઝિટિવ દર્દીઓની સંખ્યામાં 5.45 ગણી વધી ગઈ છે. 14મી એપ્રિલના રોજ ગુજરાતમાં કુલ દર્દીઓની સંખ્યા 650 હતી જે વધીને 3548 પર પહોંચી છે. જે પૈકી અમદાવાદમાં સૌથી વધું 2378 કેસ પોઝિટિવ કેસ નોંધાયા છે.
