- AMCની જુનિયર ક્લાર્કની જગ્યાઓ વેઇટિંગ લિસ્ટથી ભરવા હાઇકોર્ટમાં અરજી
- કોર્ટે AMCને ઇસ્યુ કરી નોટિસ, 22મીએ થઇ શકે છે સુનાવણી
- 434 જેટલી જગ્યાઓની લેવાઈ હતી પરીક્ષા
અમદાવાદ: અમદાવાદ મહાનગરપાલિકા (Ahmedabad Municipal Corporation)માં આસિસ્ટન્ટ જુનિયર ક્લાર્ક (Assistant Junior Clark)ની ખાલી પડેલી 52 જેટલી જગ્યાઓને અગાઉ લેવાયેલી પરીક્ષાના વેઇટિંગ લિસ્ટ (Waiting List) મુજબ ભરવામાં આવે તે મામલે આજે ગુજરાત હાઇકોર્ટ (Gujarat High Court)માં સુનાવણી થઇ હતી. હાઇકોર્ટે આ મામલે મનપાને જવાબ રજૂ કરવા માટે નોટિસ ઇસ્યુ કરી હતી. આ માટેની વધુ સુનાવણી 22 ઓક્ટોબરે થઇ શકે છે.
2019-20માં કુલ 434 જગ્યાઓ માટે ભરતી બહાર પાડી હતી
AMCએ વર્ષ 2019-20 માં મનપાના જુદા જુદા વિભાગો માટે કુલ 434 જગ્યાઓ માટે ભરતી બહાર પાડી હતી, જેની સામે સામાન્ય સ્થિતિની જેમ ઉમેદવારોને પસંદગી આપવાની સાથે વેઇટિંગ લિસ્ટના ઉમેદવારોનું પણ લિસ્ટ તૈયાર થયું હતું. હાલમાં મનપાના જુદા જુદા વિભાગોમાં 52 જેટલી આસિસ્ટન્ટ જુનિયર ક્લાર્કની જગ્યાઓ ખાલી છે. એક તરફ ઓછા મહેકમને કારણે મનપાના અધિકારીઓ ઉપર કામનો ઓવરલોડ છે, ત્યારે બીજી તરફ ઉમેદવારોએ વેઇટિંગ લિસ્ટ મુજબ સિલેક્શન મેળવવા હાઇકોર્ટના દ્વાર ખખડાવવા પડી રહ્યા છે.
અગાઉ પણ વેઇટિંગ લિસ્ટ મુજબ ભરતી કરવા કોર્ટમાં આવી ચૂકી છે અરજી
સ્વચ્છતા, રોડ, ગટર અને પાણી એ પ્રાથમિક જરૂરિયાત કહી શકાય. આ માટે યોગ્ય અને પૂરતા સ્ટાફની ભરતી કરવી અનિવાર્ય છે, પણ તેમ છતાં મનપામાં પરીક્ષા લેવાયા બાદ ખાલી પડેલી જગ્યાઓને વેઇટિંગ લિસ્ટ મુજબ ભરવામાં નથી આવતી. અગાઉ પણ આસિસ્ટન્ટ મ્યુનિસિપલ કમિશ્નર માટેની યોજાયેલી ભરતીમાં મનપાના અધિકારીઓમાંથી અને બહારથી લેવાના ઉમેદવારોએ વેઇટિંગ લિસ્ટ મુજબ પ્રાયોરિટીમાં આવતા ઉમેદવારોને પસંદગી આપવામાં માટે હાઇકોર્ટના શરણે થવું પડ્યું છે, જેની સુનાવણી આગામી દિવસોમાં હાથ ધરાશે.
આ પણ વાંચો: Kim Mandvi State Highway ખરાબ રોડને લઈને કોંગ્રેસના ધારાસભ્ય આનંદ ચૌધરીએ નોંધાવ્યો વિરોધ
આ પણ વાંચો: ગાંધીનગરમાં 'ઇન્દિરા ગાંધી તાલીમ ભવન' તોડી 'નરેન્દ્ર મોદી તાલીમ કેન્દ્ર' બનાવવા માટે દરખાસ્ત મુકવામાં આવી
