અમદાવાદઃ પકડાયેલા આરોપીનું નામ છોટુ પવાર છે. નામ ભલે છોટુ હોય પણ 30 વર્ષની ઉમરે ક્રાઇમની દુનિયામાં બહુ મોટા ગુના કર્યા છે. પત્ની અને 5 બાળકો સાથે નારોલમા રહેતો છોટુ મૂળ મહારાષ્ટ્રનો છે અને અમદાવાદમાં 25 વર્ષથી રહે છે. પહેલાં સ્વીપર પછી રિક્ષા ચલાવી પરિવારનું ગુજરાન ચલાવતો હતો. પણ આટલા પૈસા પરિવારનું ગુજરાન ચલાવવા અને પોતાના મોજશોખ માટે પૂરતાં ન હોઈ છોટુએ ચોરી કરવાનું નક્કી કર્યું અને 2017થી ચોરી કરતો હતો.
અમદાવાદ: રાત્રિનો ફાયદો ઉઠાવી ચોરીને અંજામ આપનાર ચોર ગ્રામ્ય LCBએ ઝડપી પાડ્યો નારોલ અસલાલી સહિત પૂર્વના વિસ્તારમાં રાત્રિના સમયે આરોપીની સવાર પડતી અને બંધ ગોડાઉન અને ઘરને ટાર્ગેટ બનાવતો હતો. મોટાભાગની ચોરીમાં આરોપી ગોડાઉનની બાલ્કની અને પતરાં તોડીને ચોરી માટે પ્રવેશતો અને ગોડાઉનમાં રાખેલો સામાન લઈને ફરાર થઈ જતો હતો. ન માત્ર ગોડાઉન પણ બંધ મકાનને પણ ટાર્ગેટ બનાવી ચોરીને અંજામ આપતો હતો. અત્યાર સુધીમાં 7 જેટલી ચોરીને અંજામ આપી ચૂક્યો છે. આરોપીની સાથે ચોરીમાં સામેલ વધુ એક આરોપી પોલીસ પકડથી દૂર છે જેની શોધખોળ ચાલી રહી છે.
અમદાવાદ: રાત્રિનો ફાયદો ઉઠાવી ચોરીને અંજામ આપનાર ચોર ગ્રામ્ય LCBએ ઝડપી પાડ્યો 
