અમદાવાદ:વરસાદી માહોલમાં સર્જાયેલા અકસ્માતમાં વૃદ્ધનું મોત

મોત ક્યારે કોને આંબી જાય તેનો કોઇ ભરોસો હોતો નથી, પણ એ આવશે એ નક્કી છે. જોકે અકસ્માતે અચાનક મોત નીપજે એ સ્થિતિ અતિદુઃખદાયક જ હોય છે. એમાં પણ ઘરના વડીલ એકાએક ભરરસ્તે અકસ્માતે મોતને ભેટે અને તેમને મોતને દ્વારે પહોંચાડનારની ઓળખ પણ ન મળે ત્યારે પોલીસ માટે પણ કેસ ઉકેલવો પડકારરુપ બની રહે છે.અમદાવાદના રિંગ રોડ પર અકસ્માતે મૃત્યુ પામેલા વૃદ્ધની ઓળખ અને અજાણ્યાં વાહનચાલકની શોધખોળની કાર્યવાહી શરુ કરી છે.

અમદાવાદઃ શહેરમાં રવિવારે રાતે રીંગ રોડ પર એક અકસ્માત સર્જાયો હતો. જેમાં એક વૃદ્ધ વ્યક્તિને અજાણ્યા વાહનચાલકે ટક્કર મારતા તેમનું મોત નીપજ્યું હતું. અકસ્માત મામલે ટ્રાફિક પોલીસ દ્વારા ઘટનાસ્થળે પહોચીને કાર્યવાહી શરુ કરવામાં આવી રહી છે.

શહેરના નિકોલ રીંગ રોડ પાસે ગઈ કાલે મોડી રાતે એક અકસ્માતનો બનાવ બન્યો હતો,આ બનાવમાં વૃદ્ધનું મોત નીપજ્યું હતું.હાઈવે પાસે લાશ મળી હોવાનો મેસેજ મળતાં ટ્રાફિક પોલીસ ઘટનાસ્થળે પહોચી હતી અને સ્થળ પર જઈને કાર્યવાહી શરુ કરી હતી. હાલ પોલીસે અકસ્માતે મોતનો ગુનો નોધીને તપાસ શરુ કરી છે.પોલીસે હાઈવે પરના સીસીટીવી અને મૃતકની ઓળખ થાય તે માટેની કાર્યવાહી શરુ કરી છે. મૃતદેહને પીએમ માટે પણ મોકલવામાં આવ્યો હતો.