Redmi 7A આવતાં મહીને ભારતમાં થશે લૉન્ચ

નવી દિલ્હીઃ ચીની સ્માર્ટફોન નિર્માતા Xiaomi પોતાના લેટેસ્ટ બજેટ સ્માર્ટફોન Redmi 7Aને આવતા મહીને ભારતમાં લૉન્ચ કરશે. ભારતમાં Xiaomiના પ્રબંધ નિર્દેશક મનુ જૈને શુક્રવારે ટ્વીટર પર આ વાતની ઘોષણા કરી હતી અને જણાવ્યું હતું કે, Redmi 7A ભારતમાં Redmi 6Aનું સ્થાન લેશે.

જૈને જણાવ્યું હતું કે, Redmi 7Aની સાથે-સાથે કંપની ભારતમાં K-20 અને K-20 પ્રો ડિવાઇસ પણ લૉન્ચ કરશે.

Redmi 7A આંતરરાષ્ટ્રીય બજારમાં પહેલા જ આવી ચૂક્યો છે અને તેમાં સ્નૈપડ્રેગન 439 ચિપસેટ લગાવવામાં આવ્યું છે. જેમાં Redmi 6Aની જેમ મીડિયાટેક ચિપસેટ લાગેલી નથી.

આ ફોન મીયૂઆઇ 10 પર આધારિત છે અને એન્ડ્રોઇડ 9 પાઇથી સંચાલિત છે. જેમાં 4000એમએએચની બેટરી છે.