જેપી મૉર્ગન ઈન્ટરનેશનલ કાઉન્સિલના સદસ્યોએ PM મોદી સાથે કરી મુલાકાત

નવી દિલ્હીઃ વડાપ્રધાન નરેન્દ્ર મોદીએ જેપી મૉર્ગન ઈન્ટરનેશનલ કાઉન્સિલના સદસ્યો સાથે વૈશ્વિક મુદ્દાઓ પર વ્યાપક ચર્ચા કરી હતી. જેમાં સર્વોચ્ચ નીતિ નિર્માતા, વિચારક, રાજકીય નેતાઓ અને રાજકીય વિચારકો સહિત ઉદ્યોગ જગતના અગ્રણીઓ ઉપસ્થિત હતા.

વડાપ્રધાન મોદીએ મંગળવારે જેપી મૉર્ગન ઈન્ટરનેશનલ કાઉન્સિલના જાણીતા સદસ્યો સાથે બેઠક કરી. મોદીએ તેમને 2024-25 સુધી ભારતને 5000 અરબ ડૉલરની અર્થવ્યવસ્થા બનાવવાના પ્રયત્નો અંગેની માહિતી આપી હતી. આ સદસ્યોમાં બ્રિટનના પૂર્વ વડાપ્રધાન ટોની બ્લેયર, અમેરિકાના પૂર્વ વિદેશપ્રધાન કોંડીલીઝા રાઈસ અને એક અન્ય વિદેશપ્રધાન હેનરી કિસિંગર તેમજ ટાટા સન્સના ચેરમેન રતન ટાટા પણ સામેલ થયા હતા.

વડાપ્રધાન મોદીએ આ અંગે ટ્વીટ કરી માહિતી આપી છે.