- સતત વધી રહ્યા છે ઇંધણના ભાવ
- અમદાવાદમાં એક લીટર ડીઝલ 97.91 રૂપિયા પ્રતિ લીટર
- પેટ્રોલની કિંમત 99.30 રૂપિયા પ્રતિ લીટર
નવી દિલ્હી : ભારતીય તેલ કંપનીઓએ મંગળવારે 5 ઓક્ટોબરે પેટ્રોલ અને ડીઝલના ભાવમાં વધારો કર્યો છે. સરકારી તેલ કંપનીઓએ આજે પેટ્રોલની કિંમતમાં 25 પૈસા પ્રતિ લીટરનો વધારો કર્યો છે જયારે ડીઝલની 30 પૈસા પ્રતિ લીટર મોંઘુ કરવામાં આવ્યું છે. આ વધારા બાદ દિલ્હીમાં 1 લીટર પેટ્રોલ 102.64 રૂપિયા અને ડીઝલ 91.07 રૂપિયા પ્રતિ લીટર પર પહોંચી ગયું છે.
26 રાજ્યોમાં પેટ્રોલ 100 રૂપિયા પ્રતિ લિટર પર પહોંચી ગયું
તાજેતરમાં કરાયેલ ઇંધણની કિંમતોમાં વધારા પછી દેશના 26 રાજ્યોમાં પેટ્રોલ 100 રૂપિયા પ્રતિ લિટર પર પહોંચી ગયું છે. મધ્યપ્રદેશ, છત્તીસગgarh, દિલ્હી, જમ્મુ અને કાશ્મીર, આંધ્ર પ્રદેશ, બિહાર, મહારાષ્ટ્ર, કર્ણાટક, મણિપુર, નાગાલેન્ડ, પોંડીચેરી, તેલંગાણા, પંજાબ, સિક્કિમ, ઓરિસ્સા, કેરળ, તામિલનાડુ, પશ્ચિમ બંગાળ, ત્રિપુરા, ગુજરાત અને રાજસ્થાનના ઘણા જિલ્લાઓમાં પેટ્રોલ 100 પ્રતિ લિટરના ભાવે વેચાઈ રહ્યું છે.
અમદાવાદમાં એક લીટર ડીઝલ 97.91 રૂપિયા પ્રતિ લીટર
ગુડ રીટર્નસ વેબસાઈટ અનુસાર ગુજરાતમાં(Petrol-Diesel Price Today in Gujarat) અમદાવાદમાં એક લીટર ડીઝલ 97.91 રૂપિયા પ્રતિ લીટર વેચાઈ રહ્યું છે જયારે પેટ્રોલની કિંમત 99.30 રૂપિયા પ્રતિ લીટર છે.
કઇ રીતે નક્કી થાય છે ઇંધણના નવા રેટ?
પેટ્રોલ અને ડીઝલના ભાવમાં દરરોજ સવારે 6 વાગ્યે ફેરફાર થાય છે. નવા દર સવારે 6 વાગ્યાથી લાગુ પડે છે. પેટ્રોલ અને ડીઝલના ભાવમાં એક્સાઈઝ ડ્યુટી, ડીલર કમિશન અને અન્ય ખર્ચ ઉમેર્યા પછી તેની કિંમત લગભગ બમણી થઈ જાય છે. વિદેશી મુદ્રા દરની સાથે આંતરરાષ્ટ્રીય બજારમાં ક્રૂડના ભાવ ના આધારે પેટ્રોલ અને ડીઝલના ભાવ બદલાય છે.
જાણો તમારા શહેરમાં શું છે ભાવ
- શહેર પેટ્રોલ ડીઝલ
- દિલ્હી 102.64 91.07
- મુંબઇ 108.67 98.80
- ચેન્નાઇ 100.23 95.59
- કલકત્તા 103.36 94.17
