આ જાહેરાતો પાછળ રાજકીય પાર્ટીઓએ 26.5 કરોડ રૂપિયાના ખર્ચ કર્યો છે. તો આ રીતે ગૂગલ, યુ ટ્યુબ અને તેની સહાયક કંપનીઓ પર 19 ફેબ્રુઆરીથી અત્યાર સુધીમાં 14,837 જાહેરાતો પાછળ રાજકીય પાર્ટીઓએ 27.36 કરોડ રૂપિયા ખર્ચ કર્યો છે.
સત્તાધારી ભાજપ પક્ષ દ્વારા ફેસબુક પર 2,500થી વધારે જાહેરાતો પાછળ 4.23 કરોડ રૂપિયાનો ખર્ચ કરી ચૂક્યા છે. 'માય ફર્સ્ટ વૉટ ફૉર મોદી', "ભારત કે મન કી બાત" અને "નેશન વિથ મનો" જેવા પેજ પર પણ સોશિયલ નેટવર્કિંગ વેબસાઇટ પર જાહેરાતો પર 4 કરોડ રૂપિયા ખર્ચ કર્યા હતા. તો ગૂગલ પર ભાજપે 17 કરોડ રૂપિયાથી વધારે ખર્ચ કર્યો હતો.
તો આ રેસમાં કોંગ્રેસ પક્ષ દ્વારા ફેસબુક પર 3,686 જાહેરાતો પર 1.46 કરોડ રૂપિયાનો ખર્ચ કરાયો છે. જ્યારે ગૂગલ પર જાહેરાત પર રાહુલ ગાંધીની અધ્યક્ષતાવાળી પાર્ટીનો ખર્ચ 2.71 કરોડ રૂપિયા રહ્યો હતો. ફેસબુકના આંકડાઓ મુજબ તૃણમૂલ કોંગ્રેસે પણ જાહેરાતો પર 29.28 લાખ રૂપિયાનો ખર્ચો કર્યો છે.
આમ આદમી પાર્ટીએ ફેસબુક પર 176 જાહેરાત ચલાવી હતી, જેના માટે 13.62 લાખ રૂપિયાની ચૂકવણી કરી હતી. ત્યાં જ ગૂગલના જણાવ્યા અનુસાર તેના પ્લેટફોર્મ પર ઑબર્ન ડિજિટલ સૉલ્યૂશન્સ AAP માટે જાહેરાત કરી રહી હતી. જેણે 19 મે બાદ 2.18 કરોડ રૂપિયાની ચૂકવણી કરી હતી.
ઉલ્લેખનીય છે કે, ભારતની 17મી લોકસભાની ચૂંટણી માટે માર્ચમાં તારીખોની જાહેરાત થઇ હતી. જેમાં રવિવારના રોજ સાતમા એટલે કે અંતિમ તબક્કાનું મતદાન થયું છે. તો આ ચૂંટણીના રિઝલ્ટની જાહેરાત 23 મેના રોજ કરવામાં આવશે.
