નેપાળ: નેપાળના તારા એરલાઇન્સના વિમાન 9 NAETનો ATC સાથે સંપર્ક તૂટી ગયો. તે ટ્વિન એન્જિનનું એરક્રાફ્ટ છે. તારા એરના 9 NAET ટ્વીન એન્જિન એરક્રાફ્ટમાં 19 મુસાફરો સવાર છે. ત્રણ ક્રૂ મેમ્બર છે. તે સવારે 9:55 વાગ્યે પોખરાથી જોમસોમ માટે ઉડાન ભરી હતી. નેપાળના પોખરા એરપોર્ટના એક અધિકારીએ આ માહિતી આપી.
22 લોકો હતા સવાર - સરકારી ટેલિવિઝન પરથી મળેલી માહિતી અનુસાર, 4 ભારતીયો અને 3 જાપાની નાગરિકો ઉપરાંત ગુમ થયેલા વિમાનમાં 12 અન્ય નેપાળીનો સમાવેશ થાય છે. પ્લેનમાં ક્રૂ સહિત કુલ 22 લોકો સવાર છે. મીડિયા રિપોર્ટ્સ અનુસાર જોમસોમ એરપોર્ટ પર વિસ્ફોટનો અવાજ પણ સંભળાયો છે. ત્યાંના ટ્રાફિક કંટ્રોલરે આ વિસ્ફોટની પુષ્ટિ કરી છે. પરંતુ આ બ્લાસ્ટ એરક્રાફ્ટ સાથે સંબંધિત છે, હજુ સુધી કોઈએ તેની પુષ્ટિ કરી નથી. જોમસોમ એરપોર્ટ પર એર ટ્રાફિક કંટ્રોલરના જણાવ્યા અનુસાર, જોમસોમમાં ઘાસા નજીક મોટા અવાજ અંગે અપ્રમાણિત અહેવાલ પ્રાપ્ત થયો છે, કાઠમંડુ પોસ્ટે અહેવાલ આપ્યો છે.
શોધખોળ માટે ટીમ કરાઇ તૈનાત - નજીકમાં પડેલા વિમાન સાથે છેલ્લો સંપર્ક થયો હતો. જિલ્લા પોલીસ કચેરી, મુસ્તાંગના ડીએસપી રામ કુમાર દાનીએ એજન્સીને જણાવ્યું કે સર્ચ ઓપરેશન માટે વિસ્તારમાં હેલિકોપ્ટર તૈનાત કરવામાં આવી રહ્યું છે. ગૃહ મંત્રાલયના પ્રવક્તા ફદિન્દ્ર મણિ પોખરેલે જણાવ્યું હતું કે ગુમ થયેલા વિમાનને શોધી કાઢવા માટે મુસ્તાંગ અને પોખરાથી બે ખાનગી હેલિકોપ્ટર તૈનાત કરવામાં આવ્યા છે. શોધ માટે નેપાળ આર્મીના હેલિકોપ્ટરને પણ તૈનાત કરવાની તૈયારી કરવામાં આવી રહી છે. નેપાળી સેનાના પ્રવક્તા નારાયણ સિલવાલે કહ્યું કે નેપાળી સેનાનું એક Mi-17 હેલિકોપ્ટર લે-પાસ અને મુસ્તાંગ માટે રવાના થયું છે. ગુમ થયેલા તારા એર પ્લેનનો આ શંકાસ્પદ ક્રેશ એરિયા છે.
