OYO હોટેલમાં પ્રેમિકા સાથે આવેલા એક વ્યક્તિનું શંકાસ્પદ મોત

ગાઝિયાબાદમાં શંકાસ્પદ મોતનો વધુ એક મામલો સામે આવ્યો (Suspicious death in Ghaziabad) છે. યુવક તેની પ્રેમિકા સાથે હોટલમાં આવ્યો હતો. જણાવવામાં આવી રહ્યું છે કે યુવક અને તેની મહિલા મિત્ર વચ્ચે કોઈ વાતને લઈને ઝઘડો થયો હતો. આ પછી યુવકનો મૃતદેહ મળી આવ્યો (man death body found in hotel ) હતો. ઘટના સાહિબાબાદ પોલીસ સ્ટેશનની છે. હાલ પોલીસ આ મામલે તપાસ કરી રહી છે.

દિલ્હી: બે દિવસમાં ગાઝિયાબાદની એક હોટલમાં શંકાસ્પદ મૃત્યુનો બીજો મામલો સામે આવ્યો(Suspicious death in Ghaziabad) છે. બીજી ઘટના મંગળવાર સાંજની છે. હોટલના રૂમમાંથી 29 વર્ષીય યુવકનો મૃતદેહ મળી આવ્યો(man death body found in hotel ) હતો. પોલીસના જણાવ્યા પ્રમાણે પ્રાથમિક દૃષ્ટિએ આ આત્મહત્યાનો મામલો હોય તેવું લાગી રહ્યું છે. આ વ્યક્તિ એક પરિણીત મહિલા સાથે OYO હોટલમાં રોકાયો હતો. જણાવવામાં આવી રહ્યું છે કે હોટલ પહોંચ્યા બાદ યુવકની મહિલા સાથે ઝઘડો થયો હતો, ત્યારબાદ યુવકનો મૃતદેહ રૂમમાંથી મળી આવ્યો હતો. આ પહેલા સોમવારે મુરાદનગરની એક હોટલમાં એક મહિલાની હત્યા કરવામાં આવી હતી. મહિલાના સગીર પ્રેમીએ હોટલના રૂમમાં તેનું ગળું દબાવી હત્યા કરી નાખી હતી.

આ પણ વાંચો: ઓડિશાની હોટલમાં બે રશિયન પ્રવાસીઓના મોત, CIDને સોંપાશે તપાસ

આ મામલો સાહિબાબાદ પોલીસ સ્ટેશન વિસ્તારના મોહન નગર વિસ્તારનો છે. કૈલાશ નામનો 29 વર્ષનો યુવક મંગળવારે અહીંની એક હોટલમાં રહેવા આવ્યો હતો. મંગળવારે સાંજે પોલીસને હોટલના રૂમમાં મૃતદેહ હોવાની માહિતી મળી હતી, જેના પછી પોલીસ ઘટનાસ્થળે પહોંચી હતી. મોડી રાત્રે મૃતદેહને પોસ્ટમોર્ટમ માટે મોકલી આપવામાં આવ્યો હતો. પોલીસના જણાવ્યા અનુસાર યુવકની ઓળખ દિલ્હીના મંડોલીના રહેવાસી કૈલાશ તરીકે થઈ છે, જે પ્લમ્બર તરીકે કામ કરતો હતો. તે તેની મહિલા મિત્ર સાથે અહીં આવ્યો હતો. મહિલા મિત્ર પરિણીત હોવાનું કહેવાય છે. આ સાથે યુવક તેની ઉંમર કરતા મોટો હોવાનું જણાવવામાં આવી રહ્યું છે. મૃતક યુવક પણ પરિણીત હોવાનું અને બે સંતાનોનો પિતા હોવાનું કહેવાય છે.

આ પણ વાંચો: સુરતની OYO હોટલમાં યુવતીની રહસ્યમય સંજોગોમાં મોત

આ પહેલા સોમવારે મુરાદનગરની એક હોટલમાંથી મહિલાની મૃતદેહ મળી આવ્યો હતો, જેને હોટલમાં તેના સગીર પ્રેમીએ ગળું દબાવીને હત્યા કરી હતી. તે કિસ્સામાં પણ મહિલા પરિણીત હતી અને તેના સગીર પ્રેમી વચ્ચે ઝઘડો થયો હતો. ગાઝિયાબાદ પોલીસના જણાવ્યા અનુસાર, મહિલા અને યુવક વચ્ચે ઝઘડો થયો હતો, ત્યારબાદ યુવકનો મૃતદેહ હોટલમાંથી મળી આવ્યો હતો. પોલીસે તમામ પાસાઓની તપાસ શરૂ કરી છે. મંગળવારે મોડી રાત્રે ફોરેન્સિક ટીમ પણ રૂમમાં પહોંચી હતી, જ્યાં તમામ પુરાવા એકત્ર કરવામાં આવ્યા છે. પોલીસ આ કેસમાં અન્ય પાસાઓની પણ તપાસ કરી રહી છે. યુવકનો પોસ્ટમોર્ટમ રિપોર્ટ બુધવારે સાંજ સુધીમાં આવશે, જેમાં મૃત્યુનું કારણ શું હતું તે સ્પષ્ટ થશે. ઘટનાસ્થળેથી કોઈ સુસાઈડ નોટ મળી નથી. હાલ પોલીસ યુવકની મહિલા મિત્રની પૂછપરછ કરી રહી છે.