મુંબઈ : ઓક્ટોબર મહિના છેલ્લા સપ્તાહની શરુઆત સાથે ભારતીય શેરબજારમાં રોનક પાછી આવી છે. ભારતીય શેરબજારના બંને મુખ્ય સૂચકાંક BSE Sensex અને NSE Nifty આજે અનુક્રમે 330 અને 93 પોઈન્ટ વધીને લીલા નિશાનમાં બંધ થયા હતા. ઉલ્લેખનિય છે કે, આજે બંને ઈન્ડેક્સ સપાટ ખુલ્યા બાદ પ્રથમ હળવા ડાઉન ગયા હતા. પરંતુ ત્યારબાદ શેરબજારમાં ચોતરફ લેવાલીથી રોકાણકારોને તગડો નફો થયો છે.
BSE Sensex : આજે 30 ઓક્ટોબર સોમવારના ટ્રેડિંગ સેશનના અંતે BSE Sensex ઈનડેક્સ લગભગ 300 પોઈન્ટ (0.52 %) સુધારા સાથે 64,112 પોઈન્ટ પર બંધ થયો હતો. ઉલ્લેખનિય છે કે, BSE Sensex ઈનડેક્સ આજે 103 પોઈન્ટ વધીને 63,885 ના મથાળે ખુલ્યો હતો. શરુઆતી કારોબારમાં હળવી ડૂબકી મારી BSE Sensex 63,431 પોઈન્ટ સુધી ડાઉન ગયો હતો. ત્યારબાદ લેવાલી નીકળતા સતત ઉપર ચડતો રહીને 753 પોઈન્ટની રિકવરી નોંધાવ્યા બાદ 64,184 પોઈન્ટની ડે હાઈ બનાવી હતી. ઉલ્લેખનિય છે કે, ગત સપ્તાહે BSE Sensex 63,782 ના મથાળે બંધ રહ્યો હતો.
NSE Nifty : આજે 30 ઓક્ટોબર સોમવારના રોજ NSE Nifty ગત સપ્તાહના 19,047 બંધની સામે 6 પોઈન્ટ વધીને 19,053 ના મથાળે સપાટ ખુલ્યો હતો. ત્યારબાદ શરુઆતમાં FII ના સેલીંગ પ્રેશર વચ્ચે નિફ્ટી ઈન્ડેક્સ 18,940 પોઈન્ટ ડાઉન ગયા બાદ સતત મજબૂત વલણને જાળવી રાખ્યું હતું. DII ના ટેકારુપી બાઈંગ વચ્ચે ભારે લેવાલીના પગલે સતત ઉપર ચડ્યા બાદ 19,158 પોઈન્ટની ડે હાઈ બનાવી 218 પોઈન્ટની રિકવરી નોંધાવી હતી. ટ્રેડિંગ સેશનના અંતે NSE Nifty 93.64 પોઈન્ટ સુધારા બાદ 19,140 પોઈન્ટના ઊંચા મથાળે બંધ થયો હતો. જે લગભગ 0.49 ટકાનો વધારો દર્શાવે છે.
ADR : આજે શેરબજારનો એડવાન્સ ડેકલાઈન રેશિયો પોઝિટિવ રહ્યો હતો. આજે નેશનલ સ્ટોક એક્સચેન્જમાં 1111 શેરના ભાવ વધ્યા હતા. જેની સામે 1006 શેરના ભાવ ઘટ્યા હતા. જોકે, BSE સેન્સેક્સમાં સૌથી વધુ એક્ટિવ શેરમાં રિલાયન્સ, ટાટા મોટર્સ, HDFC બેંક અને ICICI બેંકના સ્ટોક રહ્યા હતા.
ટોપ ગેઈનર શેર : સૌથી વધુ ઊંચકાયેલા શેરમાં અલ્ટ્રાટેકસિમેન્ટ (2.44 %), રિલાયન્સ (2.04 %), ICICI બેંક (1.30 %), ભારતી એરટેલ (1.24 %) અને HDFC બેંક (1.04%) સમાવેશ થાય છે.
ટોપ લુઝર શેર : જ્યારે સૌથી વધુ ગગડેલા શેરોમાં ટાટા મોટર્સ (-1.94 %), મારુતિ સુઝુકી (-1.52 %), એક્સિસ બેંક (-1.31 %) એમ એન્ડ એમ (-0.82 %) અને એનટીપીસી (-0.72 %) સમાવેશ થાય છે.
