મુંબઈ: નબળા વૈશ્વિક સંકેતો વચ્ચે સ્થાનિક બજારના બેન્ચમાર્ક સેન્સેક્સ અને નિફ્ટી સતત બીજા સત્રમાં નકારાત્મક ઝોનમાં બંધ થયા છે. શેરબજારમાં આજે મંદી જોવા મળી રહી છે. બજાર ભારે ઘટાડા સાથે બંધ થયું. BSE પર સેન્સેક્સ 247 પોઈન્ટના ઘટાડા સાથે 65,629 પર બંધ રહ્યો હતો. તે જ સમયે, NSE પર નિફ્ટી 0.30 ટકા ઘટીને 19,612 પર બંધ થયો હતો.
શેરોની સ્થિતિ: Bajaj Auto, LTIMindTree, Nestle India, Hero MotoCorp એ તેજી સાથે બિઝનેસ કર્યો છે. બજાજ ઓટો 6.53 ટકાના વધારા સાથે રૂ. 5,472 પર ટ્રેડ થયો હતો. તે જ સમયે, વિપ્રો, યુપીએલ, એચડીએફસી લાઇફ, ભારતી એરટેલમાં ઘટાડો નોંધાયો છે. સેક્ટરમાં ઓટો અને કેપિટલ ગુડ્સમાં ખરીદારી જોવા મળી છે, જ્યારે મેટલ, ફાર્મા, ઓઇલ એન્ડ ગેસ અને રિયલ્ટીમાં વેચવાલી જોવા મળી રહી છે.
વૈશ્વિક બજાર માટે પડકાર: બજારમાં આજે સતત બીજા દિવસે મંદી જોવા મળી રહી છે. ઘણી કંપનીઓના શેરમાં વધારો થયો છે, તો ઘણી કંપનીઓના કારોબારમાં ઘટાડો થયો છે. યુએસ બોન્ડ યીલ્ડમાં સતત વધારો વૈશ્વિક બજારો માટે મોટો પડકાર બની રહ્યો છે. શેરબજાર આજે ઘટાડા સાથે ખુલ્યું હતું. BSE પર સેન્સેક્સ 456 પોઈન્ટના ઘટાડા સાથે 65,420 પર શરૂ થયો હતો. તે જ સમયે, NNE પર નિફ્ટી 0.68 ટકાના ઘટાડા સાથે 19,537 પર ખુલ્યો હતો.
રોકાણકારોને નુકસાન: આજે પણ બજારમાં ઘટાડાથી શેરબજારના રોકાણકારોને નુકસાની વેઠવી પડી છે. BSE પર લિસ્ટેડ કંપનીઓનું માર્કેટ કેપ ઘટીને રૂ. 320.91 લાખ કરોડ થયું છે, જે છેલ્લા ટ્રેડિંગ સેશનમાં રૂ. 321.39 લાખ કરોડના સ્તરે બંધ થયું હતું. એટલે કે આજના વેપારમાં રોકાણકારોને રૂ.48,000 કરોડનું નુકસાન થયું છે.
