મુંબઈ: કારોબારી સપ્તાહના ચોથા દિવસે શેરબજાર ગ્રીન ઝોનમાં બંધ થયું છે. BSE પર સેન્સેક્સ 338 પોઈન્ટના વધારા સાથે 72,376 પર બંધ રહ્યો હતો. તે જ સમયે, NSE પર નિફ્ટી 0.59 ટકાના વધારા સાથે 21,782 પર બંધ થયો. શેરબજારમાં તેજી ચાલુ છે. આજે દિવસના કારોબાર દરમિયાન સેન્સેક્સ 72,000ને પાર કરી ગયો છે. તે જ સમયે, નિફ્ટીની નજર 22,000 પર છે.
"દેશના મેક્રો ઇકોનોમિક ફંડામેન્ટલ્સ અને મજબૂત વૈશ્વિક બજારના વલણો પાછળ ભારતીય શેર્સ નવી ઊંચાઈ પર ટ્રેડ કરી રહ્યાં છે. FIIએ નોંધપાત્ર ખરીદી કરી છે, ગયા સપ્તાહના વેચાણ પછી ફરી એકવાર તેઓ નેટ ઈનફ્લો સૂચવી રહ્યાં છે. માર્કેટમાં વોલેટિલિટી ઇન્ડેક્સ VIX 15ની સપાટી પાર કરી નવ-મહિનાની ટોચે પહોંચ્યો છે. જેને સાવચેતીના સંકેત તરીકે ગણવો જોઈએ. માસિક ઓપ્શ્ન્સ ડેટા સૂચવે છે કે નિફ્ટી-50ને 21,700-21,800 ક્લસ્ટરમાં નાના પ્રતિકારનો સામનો કરવો પડી શકે છે, ત્યારબાદ તે 22 હજારના સાયકોલોજિકલ લેવલને પાર કરી શકે છે." - દિનેશ ઠક્કર, સીએમડી, ટ્રેડબુલ્સ સિક્યૂરિટીઝ
ઇન્ફર્મેશન ટેક્નોલોજીને બાદ કરતાં અન્ય તમામ ક્ષેત્રીય સૂચકાંકોમાં એફએમસીજી, તેલ અને ગેસ, પાવર અને મેટલ સૂચકાંકો પ્રત્યેક 1-2 ટકાના ઉછાળા સાથે લીલા રંગમાં ટ્રેડ થયા હતા. BSE મિડકેપ ઈન્ડેક્સમાં 0.5 ટકા અને સ્મોલકેપ ઈન્ડેક્સ ફ્લેટ ટ્રેડ થયા હતા. આજના ટ્રેડિંગ દરમિયાન કોલ ઈન્ડિયા લિમિટેડ, એનટીપીસી, એમએન્ડએમ, બીપીસીએલમાં તેજી સાથે વેપાર થયો. તે જ સમયે, અદાણી એન્ટરપ્રાઈઝ, આઈશર મોટર્સ, એશિયન પેઇન્ટ, અદાણી પોર્ટમાં ઘટાડા સાથે વેપાર થયો છે.
ઝોમેટો લિમિટેડને ડિરેક્ટોરેટ જનરલ ઑફ GST ઇન્ટેલિજન્સ, પુણે ઝોનલ યુનિટ તરફથી કારણ બતાવો નોટિસ મળી છે, જેના પછી કંપનીના શેરમાં 5 ટકાનો ઘટાડો થયો છે. તે જ સમયે, ભારતીય રૂપિયો બુધવારની સરખામણીમાં ગુરુવારે 18 પૈસા વધીને 83.17 પ્રતિ ડૉલર પર બંધ થયો હતો.
સવારનો કારોબાર
ટ્રેડિંગ સપ્તાહના ચોથા દિવસે શેરબજાર ગ્રીન ઝોનમાં ખુલ્યું હતું. BSE પર સેન્સેક્સ 224 પોઈન્ટના વધારા સાથે 72,262 પર ખુલ્યો હતો. તે જ સમયે, NSE પર નિફ્ટી 0.28 ટકાના વધારા સાથે 21,715 પર ખુલ્યો હતો.
