શિલ્પા મેડિકેરે ફાર્મસી કંપની ડૉ. રેડ્ડી સાથે સ્પુટનિક વેક્સિન બનાવવા માટે હાથ મેળવ્યા

દવાઓ બનાવતી કંપની શિલ્પા મેડિકેરે જણાવ્યું છે કે તેમણે ડૉ. રેડ્ડીની લેબોરેટરી સાથે મળીને રશિયાની કોવિડ રસી સ્પૂટનિકનું ભારતીય સંસ્કરણ વિકસાવશે. આ રસીનું નિર્માણ કાર્ય ધારવાડમાં થશે જે કર્ણાટકમાં આવેલું છે.

• જાણીતી દવા બનાવતી કંપની શિલ્પા મેડિકેર અને ડૉ. રેડ્ડીઝ વચ્ચે ટાઈ અપ
• રશિયન કોરોના વાઇરસ રસી સ્પુટનિક વિકસાવશે
• કર્ણાટકની લેબમાં થશે રસી તૈયાર

નવી દિલ્હીઃ ફાર્મસી કંપની શિલ્પા મેડિકેર અને ડૉ. રેડ્ડીઝ વચ્ચે ટાઈ અપ થયું છે જે હેઠળ આ બંને કંપનીઓ રશિયન કોરોના વાઇરસ રસી સ્પુટનિકનું કર્ણાટકના ધારવાડ ખાતેની લેબમાં નિર્માણ કરશે.

3 વર્ષનો કોન્ટ્રાક્ટ થયો

શિલ્પા મેડિકેર અને તેના નેજા હેઠળની કંપની શિલ્પા બાયોલોજીકલ્સ પ્રાઇવેટ લિમિટેડ દ્વારા ડૉ. રેડ્ડીઝ સાથે 3 વર્ષીય કોન્ટ્રાક્ટ કરવામાં આવ્યો છે જે હેઠળ કોરોના વાઈરસની રશિયન રસી સ્પુટનિકનું નિર્માણ તથા વિતરણ સહિતના કાર્યો

આ પણ વાંચો: બેંગલુરુની IIScમાં રસી તૈયાર કરવામાં આવી રહી છે, 30 ડિગ્રી તાપમાનમાં કરી શકાશે સ્ટોર

થશે. આ ઉપરાંત આ બંને કંપનીઓ SBPLને રસીની ટેકનોલોજી ટ્રાન્સફર કરવામાં પણ મહત્ત્વનો ભાગ ભજવશે. સ્પુટનિક V રસી નું પહેલા 12 મહિનામાં 50 લાખ ડોઝ નું નિર્માણ થશે. કંપનીએ વધુમાં ઉમેર્યું.

SBPL નિર્માણ કરશે જ્યારે ડૉ.રેડ્ડીઝ દ્વારા વિતરણ તથા માર્કેટિંગ થશે

સ્પુટનિક V રસી નું નિર્માણ કાર્ય અને તેના વિકાસને લગતા તમામ કાર્યો SBPL સંભાળશે જ્યારે ડૉ.રેડ્ડીઝ દ્વારા તેનું વિતરણ તથા માર્કેટિંગને લગતા વ્યવહારો સાંભળવામાં આવશે. આ ઉપરાંત સ્પુટનિક લાઈટ રસી, કે જે કોરોના રસીના સિંગલ ડોઝ વર્ઝન છે, તેના માટે પણ નજીકના ભવિષ્યમાં આયોજન કરવામાં આવશે.

રેડ્ડીઝ લેબોરેટરી દ્વારા ગત શુક્રવારે જ સ્પુટનિક V રસી લૉન્ચ કરવામાં આવી હતી. તેના ડોઝની કિંમત રૂ. 948 રાખવામાં આવી છે જેની પર GST પણ વસૂલવામાં આવ્યો છે. કંપનીના સિનિયર એક્ઝિક્યુટિવ દીપક સાપ્રા એ વેક્સિન નો પ્રથમ ડોઝ લીધો હતો.