મુંબઈઃ અભિનેતા શાહરૂખ ખાન સાઉદી અરેબિયાના સંસ્કૃતિ પ્રધાન ( SAUDI ARABIA MINISTER) બદર બિન ફરહાન અલસાઉદ સાથે જોવા મળ્યા હતા. અહેવાલો અનુસાર, શાહરૂખે તાજેતરમાં સાઉદી અરેબિયાના રેડ સી ફિલ્મ ફેસ્ટિવલના પ્રમુખ મોહમ્મદ અલ તુર્કીને તેના ઘર મન્નતમાં હોસ્ટ કર્યો હતો. માનવામાં આવે છે કે, સંસ્કૃતિ પ્રધાન અને શાહરૂખની તસવીર પણ આ પ્રસંગની છે. જો કે બન્નેના મીટિંગ લોકેશનની પુષ્ટિ થઈ નથી.
અભિનેતાઓ સાથેની મીટિંગનો ફોટો: સંસ્કૃતિ પ્રધાન બદર બિન ફરહાન અલસાઉદે શાહરૂખ (SHAH RUKH WITH ARABIA MINISTER) સિવાય સલમાન ખાન, સૈફ અલી ખાન અને અક્ષય કુમાર સાથે પણ મુલાકાત કરી હતી. તેણે અભિનેતાઓ સાથેની મીટિંગનો ફોટો ઈન્સ્ટાગ્રામ પર શેર કર્યો હતો. શનિવારે અલસાઉદે બોલિવૂડ સ્ટાર્સ સાથેની મીટિંગનો ફોટો ઈન્સ્ટાગ્રામ પર શેર કર્યો હતો.
આ પણ વાંચો : જોન બેટિસ્ટે મુખ્ય ઈવેન્ટ પહેલા ચાર ગ્રેમી એવોર્ડ જીત્યા
શાહરૂખના બંગલા મન્નતને કર્યું ટેગ : આ પહેલા સાઉદી અરેબિયાના રેડ સી ફિલ્મ ફેસ્ટિવલના પ્રમુખ મોહમ્મદ અલ તુર્કીએ પોતાની અને શાહરૂખની એક તસવીર શેર કરી હતી. અભિનેતા દ્વારા ક્લિક કરાયેલી સેલ્ફીમાં બન્ને હસતાં જોવા મળ્યા હતા. તસવીરમાં શાહરૂખ સફેદ ટી-શર્ટ અને લાઇટ બ્લુ ડેનિમ પહેરેલો જોવા મળે છે. અલ તુર્કી બ્લેક આઉટફિટમાં જોવા મળ્યા હતા. ફોટો શેર કરતાં તુર્કીએ કેપ્શન લખ્યું, મારા ભાઈ શાહરૂખ (@iamsrk) સાથે ભારત તરફથી હેપ્પી રમઝાન. તેણે લોકેશન તરીકે શાહરૂખના બંગલા મન્નતને જિયો-ટેગ પણ કર્યું હતું.
સંસ્કૃતિ પ્રધાન સાથે મિટિંગ : શાહરૂખ ઉપરાંત સાઉદી અરેબિયાના સંસ્કૃતિ પ્રધાન બદર બિન ફરહાન અલસાઉદે પણ અભિનેતા સૈફ અલી ખાન, સલમાન ખાન અને અક્ષય કુમાર સાથેની તસવીરો શેર કરી હતી. જોકે, એ સ્પષ્ટ નથી થયું કે તેઓ બધા મન્નત ગયા કે નહીં. શાહરૂખ બદર બિન ફરહાન અલસાઉદ સાથે એ જ આઉટફિટમાં જોવા મળ્યો હતો, જેમાં તે મોહમ્મદ અલ તુર્કીને મળ્યો હતો. સૈફે પિંક ટી-શર્ટ અને બ્લુ ડેનિમનું કોમ્બિનેશન પહેર્યું હતું.
આ પણ વાંચો : કોન બનેગા કરોડપતિની 14મી સિઝનના પ્રથમ પ્રોમોમાં અમિતાભ બચ્ચને કહ્યું...
ક્રોસ-કલ્ચર સહયોગનો પ્રયાસ : એક તસવીરમાં બદર બિન ફરહાન અલસાઉદના અક્ષય કુમાર સાથે હાથ મિલાવતો જોવા મળ્યો હતો. અક્ષય સફેદ શર્ટ અને ડાર્ક ટ્રાઉઝરમાં જોવા મળ્યો હતો, જ્યારે અન્ય એક તસવીરમાં સલમાન ખાન બ્લેક શર્ટ અને ડાર્ક ડેનિમ્સ પહેરેલો જોવા મળ્યો હતો. ફિલ્મોની સુંદર દુનિયા પર આંતરદૃષ્ટિપૂર્ણ વાર્તાલાપ કરીને આનંદિત, બદર બિન ફરહાન અલસોઈદે Instagram પર ફોટોનું કૅપ્શન આપ્યું હતું. બોલિવૂડ સુપરસ્ટાર શાહરૂખ, સલમાન, સૈફ અલી ખાન અને અક્ષય કુમાર સાથે ક્રોસ-કલ્ચર સહયોગનો પ્રયાસ કર્યો હતો.
